Аляксандр Лукашэнка ў дзень рэспубліканскага суботніка працаваў на добраўпарадкаванні дзяржаўнага мемарыяльнага комплексу "Хатынь", 2023 г.
24 красавіка, Мінск /Кар. БЕЛТА/. Начальнік упраўлення лясной гаспадаркі Міністэрства лясной гаспадаркі Дзмітрый Торчык у YouTube-праекце БЕЛТА "Па факце: рашэнні Першага" расказаў, як у Беларусі ідзе аднаўленне лясоў і які ўклад у гэту работу ўносяць грамадзяне.
Дзмітрый Торчык адзначыў, што аднаўленне лясоў - адна з важнейшых задач для беларускіх лесаводаў. З надыходам вясны гэтыя работы актывізуюцца па ўсёй краіне і адпаведныя заданні даводзяцца да лесагаспадарчых устаноў.
"Гэтай вясной створана каля 14 тыс. га лясоў шляхам пасеву і пасадкі лясных культур. На сённяшні момант мы свае планавыя задачы па стварэнні новых лясоў ужо выканалі, - расказаў прадстаўнік Міністэрства лясной гаспадаркі. - Акрамя таго, ёсць яшчэ адно важнае мерапрыемства - дапаўненне лясных культур. Яно ўключае ў сябе высадку новых дрэў на тых участках, дзе два-тры гады таму ствараліся лясныя культуры замест загінулых раслін".
Актыўны ўдзел у аднаўленні лясоў прымаюць і грамадзяне, прычым усіх узростаў. Пры ўстановах дашкольнай адукацыі нават ствараюць дашкольныя лясніцтвы.
Каб арганізаваць грамадзян, міністэрства праводзіць традыцыйную вясеннюю акцыю. Апошнім часам яна называецца "Адновім лясы разам!". У гэтым годзе ў ёй прынялі ўдзел больш як 80 тыс. чалавек, якія працавалі на 4 тыс. аб'ектах. Грамадзяне пасадзілі больш за 37 млн дрэў.
"У гэтай акцыі прымае ўдзел усё насельніцтва Беларусі: ад маленькіх дзяцей, якія ходзяць у дзіцячыя сады, да дарослых грамадзян, арганізацый розных форм уласнасці. Таксама ў час акцыі мы прыбіралі смецце і захламленасць у лясах - сабрана каля 3 тыс. куб.м смецця, - расказаў Дзмітрый Торчык. - Акрамя таго, цяпер ідзе 80-я гадавіна вызвалення Беларусі ад нямецка-фашысцкіх захопнікаў. У рамках гэтага мерапрыемства таксама было запланавана стварэнне памятных алей каля месцаў баявой славы, у цэнтры гарадоў, іншых населеных пунктаў, каб людзі бачылі, памяталі, як цяжка было нашым продкам абараняць сваю радзіму".
"Мы паспяваем аднаўляць усе лясы, якія высякаюцца па той ці іншай прычыне. У склад ляснога фонду цяпер вельмі актыўна прымаем новыя землі, дзе неабходна - ствараем лясы нанава. Гэта работа ідзе на планавай аснове. Таму перажываць, што нашы лясы аднаўляюцца менш, чым высякаюцца, не трэба. У заканадаўстве ёсць дакладныя тэрміны, і мы іх выконваем", - падкрэсліў начальнік упраўлення лясной гаспадаркі.
Паводле яго слоў, перавага пры аднаўленні лясоў аддаецца хвойным дрэвам, паколькі гэта асноўныя лесаўтваральныя пароды ў краіне. Таксама аднаўляюцца і ствараюцца новыя дубровы, ясеннікі. "Звяртаем увагу і на такія пароды, як вяз, клён, бук і шэраг іншых", - дадаў Дзмітрый Торчык.-0-
*Праект створаны за кошт сродкаў мэтавага збору на вытворчасць нацыянальнага кантэнту.
Дзмітрый Торчык адзначыў, што аднаўленне лясоў - адна з важнейшых задач для беларускіх лесаводаў. З надыходам вясны гэтыя работы актывізуюцца па ўсёй краіне і адпаведныя заданні даводзяцца да лесагаспадарчых устаноў.
"Гэтай вясной створана каля 14 тыс. га лясоў шляхам пасеву і пасадкі лясных культур. На сённяшні момант мы свае планавыя задачы па стварэнні новых лясоў ужо выканалі, - расказаў прадстаўнік Міністэрства лясной гаспадаркі. - Акрамя таго, ёсць яшчэ адно важнае мерапрыемства - дапаўненне лясных культур. Яно ўключае ў сябе высадку новых дрэў на тых участках, дзе два-тры гады таму ствараліся лясныя культуры замест загінулых раслін".
Актыўны ўдзел у аднаўленні лясоў прымаюць і грамадзяне, прычым усіх узростаў. Пры ўстановах дашкольнай адукацыі нават ствараюць дашкольныя лясніцтвы.
Каб арганізаваць грамадзян, міністэрства праводзіць традыцыйную вясеннюю акцыю. Апошнім часам яна называецца "Адновім лясы разам!". У гэтым годзе ў ёй прынялі ўдзел больш як 80 тыс. чалавек, якія працавалі на 4 тыс. аб'ектах. Грамадзяне пасадзілі больш за 37 млн дрэў.
"У гэтай акцыі прымае ўдзел усё насельніцтва Беларусі: ад маленькіх дзяцей, якія ходзяць у дзіцячыя сады, да дарослых грамадзян, арганізацый розных форм уласнасці. Таксама ў час акцыі мы прыбіралі смецце і захламленасць у лясах - сабрана каля 3 тыс. куб.м смецця, - расказаў Дзмітрый Торчык. - Акрамя таго, цяпер ідзе 80-я гадавіна вызвалення Беларусі ад нямецка-фашысцкіх захопнікаў. У рамках гэтага мерапрыемства таксама было запланавана стварэнне памятных алей каля месцаў баявой славы, у цэнтры гарадоў, іншых населеных пунктаў, каб людзі бачылі, памяталі, як цяжка было нашым продкам абараняць сваю радзіму".
"Мы паспяваем аднаўляць усе лясы, якія высякаюцца па той ці іншай прычыне. У склад ляснога фонду цяпер вельмі актыўна прымаем новыя землі, дзе неабходна - ствараем лясы нанава. Гэта работа ідзе на планавай аснове. Таму перажываць, што нашы лясы аднаўляюцца менш, чым высякаюцца, не трэба. У заканадаўстве ёсць дакладныя тэрміны, і мы іх выконваем", - падкрэсліў начальнік упраўлення лясной гаспадаркі.
Паводле яго слоў, перавага пры аднаўленні лясоў аддаецца хвойным дрэвам, паколькі гэта асноўныя лесаўтваральныя пароды ў краіне. Таксама аднаўляюцца і ствараюцца новыя дубровы, ясеннікі. "Звяртаем увагу і на такія пароды, як вяз, клён, бук і шэраг іншых", - дадаў Дзмітрый Торчык.-0-
*Праект створаны за кошт сродкаў мэтавага збору на вытворчасць нацыянальнага кантэнту.
