ДЗЯРЖОРГАНЫДЗЯРЖОРГАНЫ
Флаг Пятніца, 24 верасня 2021
Мінск Пераменная воблачнасць +8°C
Усе навіны
Усе навіны
У свеце
30 ліпеня 2021, 10:19

Японія прадоўжыла рэжым надзвычайнай сітуацыі ў Токіа да 31 жніўня

Фота з архіва
Фота з архіва

30 ліпеня, Мінск /Кар. БЕЛТА/. Урад Японіі прыняў рашэнне прадоўжыць да 31 жніўня дзеянне рэжыму надзвычайнай сітуацыі ў Токіа з-за каранавіруса, а таксама пашырыць яго яшчэ на некалькі прэфектур. Аб гэтым у пятніцу на пасяджэнні экспертнай камісіі заявіў міністр па аднаўленні эканомікі Японіі Ясутосі Нісімура, паведамляе БЕЛТА.

"Мы прыйшлі да высновы аб неабходнасці прадаўжэння рэжыму надзвычайнай сітуацыі ў Токіа і на Акінаве. Таксама мы вырашылі дабавіць да спіса прэфектур з рэжымам надзвычайнай сітуацыі прэфектуры Сайтама, Канагава, Тыба і Осака", - сказаў ён. Нісімура дадаў, што ўлады таксама ўводзяць узмоцненыя меры супраць распаўсюджвання інфекцыі ў паўночнай прэфектуры Хакайда, цэнтральнай Ісікаве, заходніх Кіёта і Хёга і паўднёва-заходняй Фукуока. Да гэтага рэжым надзвычайнай сітуацыі ў Токіа дзейнічаў да 12 жніўня.

Міністр таксама заклікаў мясцовых жыхароў з разуменнем паставіцца да існуючай сітуацыі і садзейнічаць барацьбе з распаўсюджваннем інфекцыі. "Мы разумеем, што цяпер лета і наперадзе летнія святы, але хацелі б папрасіць народ па магчымасці ўстрымацца ад паездак па краіне", - адзначыў ён. Нісімура таксама папрасіў мясцовых жыхароў не збірацца вялікімі кампаніямі і па магчымасці праводзіць больш часу дома ў асяроддзі родных. "Падтрымлівайце нашых спартсменаў, праглядаючы спаборніцтвы Алімпіяды дома па тэлевізары", - дадаў ён.

У чацвер, 29 ліпеня, у Японіі быў пацверджаны чарговы максімум заражэнняў - 10 699 выпадкаў. Такім чынам, адпаведны паказчык упершыню перавысіў адзнаку 10 тыс. Папярэдні максімум быў выяўлены ў Японіі 28 ліпеня (9 576). Антырэкорд на працягу трох дзён абнаўляецца і ў Токіа. У аўторак у сталіцы Японіі былі пацверджаны рэкордныя 2848 выпадкаў інфіцыравання, у сераду - 3177, у чацвер - 3865.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі