ДЗЯРЖОРГАНЫДЗЯРЖОРГАНЫ
Чацвер, 28 студзеня 2021
Мінск Суцэльная воблачнасць -1°C
Усе навіны
Усе навіны
У свеце
02 снежня 2020, 18:55

Генеральны сакратар ААН папярэдзіў аб пагрозе з'яўлення новых заанозных вірусаў

Антоніу Гутэрыш. Фота   EPA
Антоніу Гутэрыш. Фота EPA

2 снежня, Мінск /Кар. БЕЛТА/. Новыя заанозныя вірусы, падобныя да каранавіруса, будуць пагражаць чалавецтву, калі не спыніцца ўмяшанне людзей у дзікую прыроду. Аб гэтым заявіў генеральны сакратар ААН Антоніу Гутэрыш, выступаючы ў Калумбійскім універсітэце з лекцыяй "Аб стане планеты", паведамляе ТАСС.

"У той час як людзі і свойская жывёла ўсё больш робяць замах на мясціны, што насяляюць дзікія жывёлы, і парушаюць межы дзікай прыроды, мы станем сведкамі таго, як усё больш вірусаў і іншых узбуджальнікаў хвароб будзе перадавацца ад жывёл людзям", - сказаў генеральны сакратар.

У сувязі з гэтым Антоніу Гутэрыш заклікаў не забываць, што 75 працэнтаў новых чалавечых інфекцыйных хвароб з'яўляюцца заанознымі.

Кіраўнік ААН таксама заявіў, што ключавы макраэканамічны паказчык - валавы ўнутраны прадукт (ВУП) - страчвае сваё значэнне, паколькі не ўлічвае шкоду экалогіі. "Усё больш людзей усведамляюць абмежаванасць традыцыйных крытэрыяў, такіх як ВУП, у якіх дзейнасць, якая наносіць шкоду экалогіі, можа разглядаца як эканамічна выгадная", - сказаў генсакратар.

"Вобраз мыслення мяняецца. Усё больш людзей усведамляюць неабходнасць уласнага штодзённага выбару для зніжэння вугляроднага следу", - канстатаваў Антоніу Гутэрыш.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі