11 мая, Мінск /Кар. БЕЛТА/. Нацыянальная каманда Беларусі па біятлоне на базе РЦАП па зімовых відах спорту "Раўбічы" пачала падрыхтоўку да сезона 2022/2023, паведамілі БЕЛТА ў прэс-службе НАК.
У складзе мужчынскай каманды на зборах знаходзяцца Антон Смольскі, Дзмітрый Лазоўскі, Мікіта Лабастаў, Ілья Аўсеенка, Іван Тулацін, Сцяпан Данілаў і Павел Бялько. Што датычыцца дзяўчат, то трэніроўкі пачалі Дзінара Алімбекава, Ганна Сола, Ірына Лешчанка, Аліна Пільчук, Дар'я Кудаева і Юлія Кавалеўская.
У штабах зборных адсутнічаюць аўстрыйскі спецыяліст Райнхард Гесвайнер, які працаваў з жаночай камандай, а таксама старшы трэнер мужчын Андрэй Падзін з Расіі, які ўзяў паўзу ў трэнерскай кар'еры. Хто будзе кіраваць падрыхтоўкай каманд да новага сезона, пакуль невядома.
Зборы ў "Раўбічах" прадоўжацца да канца мая.-0-
