Сцяг Панядзелак, 20 мая 2024
Усе навіны
Усе навіны
Спорт
08 красавіка 2024, 11:15

Вызначыліся ўсе ўдзельнікі плэй-оф чэмпіянату Беларусі па міні-футболе

Фота з архіва
Фота з архіва
8 красавіка, Мінск /Кар. БЕЛТА/. За тур да заканчэння рэгулярнага чэмпіянату Беларусі па міні-футболе сталі вядомы ўсе восем удзельнікаў накаўт-раўнда, паведамляе карэспандэнт БЕЛТА.

У апошнім паядынку 22-га тура лідар сезона аршанскі "Вітэн" з лікам 6:3 перайграў на выездзе мінскі "Дарожнік", які застаўся за межамі плэй-оф. У чвэрцьфінал таксама не трапілі брэсцкі "Меркурый-ДМК", які прайграў чэмпіёну краіны - "Сталіцы" (0:4), "Барысаў-900", які ўступіў "Мінску" (0:4), а таксама светлагорскі ЦКК, якому залічана тэхнічнае паражэнне ў неправедзеным матчы з мінскай "Аховай-Дынама" (0:5).

У гомельскім дэрбі ВРЗ, што ідзе другім, нечакана моцна абыграў БЧ - 8:0. У Гродне мясцовае "УУС-Дынама" было мацнейшае за сталічнае "Дынама-БНТУ" - 2:0.

Пары чвэрцьфіналістаў 35-га чэмпіянату Беларусі вызначацца пасля заключных паядынкаў рэгулярнага сезона, якія адбудуцца ў суботу, 13 красавіка. Першыя паядынкі за траплянне ў паўфінальную стадыю пройдуць 4 мая.

Цяпер становішча ў першай васьмёрцы такое: "Вітэн" - 54 ачкі, ВРЗ - 53, "Сталіца" - 48, "Мінск" - 38, "Ахова-Дынама" - 33, БЧ - 33, "УУС-Дынама" - 28, "Дынама-БНТУ" - 19. Бамбардзірскую гонку ўзначальвае Уладзімір Разуванаў ("Вітэн"), які забіў 29 мячоў.-0-
Падпісвайцеся на нас у
Twitter
Топ-навіны
Свежыя навіны Беларусі