ДЗЯРЖОРГАНЫДЗЯРЖОРГАНЫ
Флаг Аўторак, 31 студзеня 2023
Мінск -1°C
Усе навіны
Усе навіны
Спорт
22 лістапада 2022, 10:19

"Віцебск" абыграў "Шахцёра" ў матчы беларускай хакейнай экстралігі

Фота з архіва
Фота з архіва

22 лістапада, Мінск /Кар. БЕЛТА/. У панядзелак трыма матчамі ў Мінску, Віцебску і Гомелі прадоўжыўся рэгулярны чэмпіянат беларускай хакейнай экстралігі, паведамляе карэспандэнт БЕЛТА.

У цэнтральным паядынку вечара "Віцебск" сустракаўся з салігорскім "Шахцёрам". За тры мінуты да заканчэння трэцяга перыяду гаспадары "гарэлі" 0:2, але познія шайбы Уладзіслава Кавалевіча і Глеба Шкапцова перавялі матч у авертайм. Там камандам вызначыцца не ўдалося, а ў серыі булітаў віцябчане ўзялі сваё, у выніку 3:2. Сталічнае "Юнацтва" на сваім лёдзе не пакінула шанцаў аўтсайдару турніру "Магілёву" - 6:2. Па два балы ў пераможцаў набралі расійскія форварды Андрэй Грышакоў і Павел Шчарбакоў. У яшчэ адным матчы панядзелка "Гомель" адолеў "Металург" з лікам 3:2, пераможны гол у актыве Алега Жалязнова.

Такім чынам, пасля 26 гульняў сезона лідарам беларускай экстралігі стаў "Нёман": у актыве гродзенцаў серыя з васьмі перамог запар і 38 ачкоў. На пункт ад "Нёмана" адстае "Шахцёр", трэці радок з 36 баламі дзеляць "Гомель" і "Віцебск". У аўторак у чэмпіянаце краіны па хакеі таксама адбудуцца тры матчы. "Ліда" прыме "Дынама-Маладзечна", "Хімік" у Наваполацку згуляе з "Лакаматывам", а "Нёман" дома сустрэнецца з "Брэстам".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі