ДЗЯРЖОРГАНЫДЗЯРЖОРГАНЫ
Флаг Чацвер, 26 мая 2022
Мінск Малавоблачна +10°C
Усе навіны
Усе навіны
Спорт
21 студзеня 2022, 10:02

Вікторыя Азаранка выйшла ў 1/8 фіналу адкрытага чэмпіянату Аўстраліі па тэнісе

Вікторыя Азаранка. Фота з архіва
Вікторыя Азаранка. Фота з архіва

21 студзеня, Мінск /Кар. БЕЛТА/. Беларуская тэнісістка Вікторыя Азаранка (25-ы нумар сусветнага рэйтынгу) выйшла ў 1/8 фіналу Australian Open, паведамляе карэспандэнт БЕЛТА.

Мінулай ноччу двухразовая пераможца Australian Open абыграла ўкраінку Эліну Світоліну (17) - 6:0, 6:2. Сустрэча прадаўжалася 1 гадзіну 7 мінут. Наступнай саперніцай Вікторыі Азаранка будзе чэшка Барбара Крэйчыкава (4). У першым крузе беларуска перамагла венгерку Панну Удвардзі (98) - 6:3, 6:1, а ў 1/32 фіналу была мацнейшай за швейцарскую тэнісістку Джыл Белен Тайхман (34) - 6:1, 6:2. Вікторыя Азаранка выйгравала аўстралійскае першынство двойчы запар - у 2012 і 2013 гадах.

Заўтра другая ракетка планеты беларуска Арына Сабаленка ў 1/16 фіналу сустрэнецца з чэшкай Маркетай Вандроўшавай (41). У першым раўндзе Арына Сабаленка перамагла аўстралійку Сторм Сандэрс (128) - 5:7, 6:3, 6:2, а потым перамагла кітайскую тэнісістку Ван Сіньюй (100) - 1:6, 6:4, 6:2.

У 1/32 фіналу жаночага парнага разраду беларуская тэнісістка Аляксандра Сасновіч і расіянка Ганна Блінкова прайгралі бельгійска-расійскаму тандэму Элізэ Мертэнс / Вераніка Кудзярметава - 7:6 (7:5), 6:3, 6:3. Раней беларуска Лідзія Марозава і амерыканка Кейтлін Крысціян уступілі ў дзвюх партыях харвацка-амерыканскаму дуэту Петра Марціч / Шэлбі Роджэрс - 1:6, 6:7 (4:7).

Беларус Андрэй Васілеўскі і брытанскі тэнісіст Джоні О'Мара ў першым матчы спаборніцтваў мужчынскіх пар перамаглі аўстралійска-амерыканскі дуэт Макензі Макдональд / Джон Мілман - 6:2, 6:2.

Першы ў сезоне турнір серыі "Вялікага шлема" завершыцца на адкрытых кортах "Мельбурн-Парка" 30 студзеня. Яго агульны прызавы фонд складзе $53,9 млн, пераможцы ў мужчынскім і жаночым адзіночных разрадах атрымаюць па $3,1 млн. У мінулым годзе пераможцам аўстралійскага чэмпіянату ў мужчын дзявяты раз стаў серб Новак Джокавіч. На гэты раз яму не ўдасца абараніць свой тытул - улады Аўстраліі прынялі рашэнне аб дэпартацыі першай ракеткі планеты за парушэнне правіл уезду. Год таму ў жанчын свой другі тытул на Australian Open заваявала японская тэнісістка Наомі Осака.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі