Сцяг Серада, 28 лютага 2024
Усе навіны
Усе навіны
Спорт
09 сакавіка 2023, 10:15

ЦСКА і "Тарпеда" зраўнавалі лік у сваіх серыях першага раўнда плэй-оф КХЛ

9 сакавіка, Мінск /Кар. БЕЛТА/. У Маскве і Чарапаўцы ў сераду адбыліся чарговыя матчы чвэрцьфіналаў Заходняй канферэнцыі Кантынентальнай хакейнай лігі, паведамляе карэспандэнт БЕЛТА.

Чацвёртую сустрэчу ў серыі першага раўнда плэй-оф Кубка Гагарына правялі маскоўскае "Дынама" і "Тарпеда" з Ніжняга Ноўгарада. Асноўны час паядынку завяршыўся з лікам 4:4, дублем за гаспадароў вызначыўся Джордан Уіл, у складзе ніжагародцаў дзве шайбы закінуў Сяргей Ганчарук. Пераможца вызначыўся ў авертайме, які доўжыўся ўсяго восем мінут: вікторыю "Тарпеда" прынёс беларускі абаронца клуба Даніла Бокун. Такім чынам, лік у серыі зраўнаваўся - 2:2.

Аналагічная раўнавага ўстанавілася і ў процістаянні чарапавецкай "Поўначсталі" і маскоўскага ЦСКА. Пасля трох гульняў "армейцы" нечакана ўбачылі сябе ў становішчы адстаючых (1:2), таму ў чацвёртым матчы проста не пакінулі саперніку шанцаў - 9:3. Па два галы за масквічоў аформілі Тахір Мінгачоў і Антон Слепышаў. Пятыя і шостыя сустрэчы ў парах ЦСКА - "Поўначсталь" і "Тарпеда" - "Дынама Мск" адбудуцца 10 і 12 сакавіка.

У чацвер пяты паядынак у серыі да чатырох перамог правядуць мінскае "Дынама" і СКА, у гэтай дуэлі лік таксама роўны - 2:2. Гульня ў Санкт-Пецярбургу стартуе ў 19.30. Акрамя таго, 9 сакавіка будуць згуляны чарговыя матчы ў парах "Лакаматыў" - "Віцязь" (3:1 у серыі), "Салават Юлаеў" - "Адмірал" (2:2 у серыі) і "Ак Барс" - "Нафтахімік" (2:2 у серыі).-0-

Падпісвайцеся на нас у
Twitter
Топ-навіны
Свежыя навіны Беларусі