18 мая, Мінск /Кар. БЕЛТА/. Спартсмены "Сталіцы" сталі першымі фіналістамі 34-га чэмпіянату Беларусі па міні-футболе, паведамляе карэспандэнт БЕЛТА.
Сёння ў трэцім матчы паўфінальнай серыі дзеючыя чэмпіёны краіны на сваёй пляцоўцы перамаглі ў серыі пенальці гомельскі БЧ. Гаспадары вялі ў ліку да апошняй мінуты асноўнага часу, але госці незадоўга да фінальнай сірэны зраўнавалі лік - 1:1. У авертайме гэты рэзультат не змяніўся, а ў серыі пенальці поспех быў на баку мінчан - 7:6. Першую паўфінальную сустрэчу "Сталіца" выйграла з лікам 5:1, а затым перамагла з мінімальнай перавагай - 3:2.
У другой паўфінальнай пары гомельскі ВРЗ двойчы перамог ФК "Мінск" - 9:1 (дома) і 3:1 (у гасцях). У выпадку перамогі заўтра ў Гомелі ВРЗ выйдзе ў фінал.
У мінулым сезоне "Сталіца" заваявала сваё чацвёртае золата, перамогшы ў фінальнай серыі ВРЗ. Уладальнікам бронзавых узнагарод упершыню стаў ФК "Мінск", які перамог гродзенскае "УУС-Дынама". Больш за ўсё чэмпіёнскіх тытулаў у актыве мінскага "Дарожніка", які шэсць разоў выйграваў залатыя медалі.-0-
