Фота з архіва
17 мая, Мінск /Кар. БЕЛТА/. Сталі вядомы даты правядзення адкрытага чэмпіянату Саюзнай дзяржавы па фехтаванні, паведамляе БЕЛТА са спасылкай на прэс-службу федэрацыі фехтавання Расіі.
Турнір з удзелам лепшых фехтавальшчыкаў абедзвюх краін пройдзе ў Мінску з 15 па 25 чэрвеня. Адзначаецца, што спаборніцтвы ў сталіцы Беларусі ўключаны ў адзіны каляндарны план міжрэгіянальных, усерасійскіх, міжнародных фізкультурных мерапрыемстваў Мінспорту РФ на 2022 год.
На мінулым тыдні беларускія фехтавальшчыкі прынялі ўдзел у першынстве Расіі сярод моладзі, якое праходзіла ў Арзамасе. Нашы спартсмены былі прадстаўлены ва ўсіх відах у асабістых і камандных спаборніцтвах, але засталіся без узнагарод турніру.-0-
