18 красавіка, Мінск /Кар. БЕЛТА/. Першыя ўдзельнікі паўфінальнай стадыі футбольнай Лігі чэмпіёнаў сёння вызначацца ў Лондане і Неапалі, паведамляе карэспандэнт БЕЛТА.
У брытанскай сталіцы лонданскі "Чэлсі" паспрабуе ўзяць рэванш у мадрыдскага "Рэала" за гасцявое паражэнне з лікам 0:2. Перад візітам у Лондан футбалісты "Рэала" ў 29-м туры чэмпіянату Іспаніі абыгралі на выездзе "Кадыс" з рэзультатам 2:0 і па-ранейшаму займаюць другое месца ў нацыянальным першынстве, уступаючы "Барселоне" 11 ачкоў. У дамашнім паядынку 31-га тура англійскай прэм'ер-лігі "Чэлсі" прайграў у сябе дома "Брайтану" з лікам 1:2 і знаходзіцца на 10-м месцы ў турнірнай табліцы.
У другой частцы італьянскага чвэрцьфінальнага процістаяння лідары серыі А футбалісты "Напалі" прымуць на сваёй арэне "Мілан", якому на мінулым тыдні прайгралі з рэзультатам 0:1. У мінулую суботу ў 30-м туры чэмпіянату Італіі абодва сапернікі згулялі ўнічыю - неапалітанцы ў сябе дома не змаглі абыграць "Верону" - 0:0, а міланцы таксама на выездзе разышліся мірам з Балонняй - 1:1. "Напалі" ўзначальвае турнірую табліцу, набраўшы 75 ачкоў, а "Мілан" займае 4-е месца, маючы ў сваім актыве 53 балы.
Яшчэ два чвэрцьфіналы ў адказ адбудуцца заўтра. Мюнхенская "Баварыя" пасля буйнога выязнога паражэння (0:3) прыме на сваім полі англійскі "Манчэстэр Сіці". Міланскі "Інтэр" у сябе дома сустрэнецца з партугальскай "Бенфікай", якую абыграў у Лісабоне (2:0).
Паўфінальныя матчы пройдуць 9-10 мая і 16-17 мая, вырашальны паядынак ЛЧ адбудзецца 10 чэрвеня ў Стамбуле.-0-
