ДЗЯРЖОРГАНЫДЗЯРЖОРГАНЫ
Флаг Аўторак, 17 мая 2022
Мінск Суцэльная воблачнасць +6°C
Усе навіны
Усе навіны
Спорт
27 кастрычніка 2021, 12:02

Перамога над "Гомелем" прынясе футбалістам "Шахцёра" другі чэмпіёнскі тытул

Фота з архіва
Фота з архіва

27 кастрычніка, Мінск /Кар. БЕЛТА/. Футбалісты салігорскага "Шахцёра" сёння могуць датэрмінова заваяваць свой другі запар чэмпіёнскі тытул, паведамляе карэспандэнт БЕЛТА.

Каб стаць недасягальнымі для праследавацеляў, падапечным Аляксея Багі неабходна выйграць у гасцях у "Гомеля" ў перанесеным матчы 15-га тура. Гэта сустрэча пачнецца ў 19.30 і будзе паказана ў прамым эфіры тэлеканала "Беларусь 5". Сённяшні паядынак стане вочным саперніцтвам двух галоўных прэтэндэнтаў на званне лепшага бамбардзіра 33-га беларускага першынства - у складзе "Шахцёра" гуляе гамбійскі форвард Дэмба Дарба, на рахунку якога 18 забітых мячоў, а ў актыве беларускага нападаючага гамяльчан Андрэя Салаўя на два галы менш. У гэтым сезоне сапернікі ў пачатку жніўня сустракаліся ў Салігорску ў 1/8 фіналу розыгрышу Кубка Беларусі і тады "Гомель" перамог у дадатковы час з лікам 2:1. 

Турнірнае становішча перад сённяшнім матчам такое: "Шахцёр" - 65 ачкоў (25 матчаў), БАТЭ - 58 (27), "Дынама" (Мінск) - 57 (27), "Гомель" - 52 (26), "Рух" - 52 (27), "Дынама" (Брэст) - 37 (27), "Віцебск" - 34 (27), "Іслач" - 34 (27), "Нёман" - 30 (27), "Тарпеда-БелАЗ" - 30 (26), "Мінск" - 29 (26), "Энергетык-БДУ" - 29 (27), "Слуцк" - 28 (27), "Славія" - 27 (26), "Смаргонь" - 16 (27), "Спадарожнік" - 7 (27).

У канцы гэтага тыдня адбудуцца яшчэ два перанесеныя паядынкі: 

30 кастрычніка

"Тарпеда-БелАЗ" - "Славія".

31 кастрычніка

"Мінск" - "Шахцёр".

Гульні 28-га тура пройдуць 5-7 лістапада.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі