4 ліпеня, Мінск /Кар. БЕЛТА/. На пляжы нумар 2 Заслаўскага вадасховішча прайшоў адкрыты чэмпіянат сталіцы па пляжным валейболе, прысвечаны Дню Незалежнасці Рэспублікі Беларусь, паведамілі БЕЛТА ў прэс-службе ВК "Мінск".
Спаборніцтвы былі арганізаваны ў мэтах папулярызацыі пляжнага валейбола як алімпійскага віду спорту, павышэння майстэрства атлетаў, рэкламы здаровага ладу жыцця, а таксама ўмацавання дружбы паміж прадстаўнікамі розных рэгіёнаў. Акрамя матчаў, гасцей турніру чакала спартыўна-забаўляльная праграма, а таксама актыўнасці для дзяцей.
Удзел у адкрытым чэмпіянаце сталіцы прынялі як прафесіяналы, так і аматары, у склад кожнай каманды ўвайшлі па два спартсмены. У выніку пераможцам мужчынскага турніру стаў гомельскі тандэм Дзмітрый Маёранка - Уладзімір Галота, сярод жанчын лепшымі аказаліся Святлана Шымановіч і Святлана Кульгавеня з Мінска, ва ўзроставай катэгорыі "40+" у мужчын першынствавалі Вячаслаў Пахілька і Віталь Дыдышка.
Пераможцам і прызёрам спаборніцтваў былі ўручаны медалі і падарункі ад арганізатараў чэмпіянату - валейбольнага клуба "Мінск" і Беларускай федэрацыі валейбола.-0-
