Сцяг Панядзелак, 15 красавіка 2024
Усе навіны
Усе навіны
Спорт
23 студзеня 2024, 09:31

Квартальнаў аб перамозе "Дынама" над СКА: у авертайме атрымалі шанц і скарысталіся ім

Фота з архіва
Фота з архіва
23 студзеня, Мінск /Кар. БЕЛТА/. Галоўны трэнер хакейнага мінскага "Дынама" Дзмітрый Квартальнаў падвёў вынікі пераможнага для "зуброў" матчу КХЛ супраць піцерскага СКА, паведамляе карэспандэнт БЕЛТА.

Сустрэча СКА і "Дынама" адбылася ў Лядовым палацы Санкт-Пецярбурга і закончылася перамогай нашай каманды ў авертайме з лікам 2:1. У асноўны час за мінчан вызначыўся Раман Гарбуноў, а аўтарам пераможнай шайбы за секунду да канца дадатковай пяцімінуткі стаў Сэм Энас.



"Гульня была цяжкай, але цікавай, хоць каманды і не вельмі шмат шайбаў закінулі. У першым перыядзе мы мала кідалі па варотах, можна сказаць, крыху асцярожнічалі, таму што часта ў гэтым сезоне прапускаем першымі. Усё ж такі гулялі з вельмі добрай камандай, супраць якой важна не пападацца і не даваць слабіну. Самым важным для нас сёння было адпавядаць скорасці ігракоў СКА, супраць іх нельга ўступаць у гэтым кампаненце, як толькі пачынаеш адставаць, яны тут жа караюць. У матчы ў хлопцаў здараліся нявымушаныя выдаленні, трэба было сябе кантраляваць. На шчасце, сёння вельмі добра згуляў наш галкіпер Аляксей Коласаў, падцягнуў нас. Ключавы момант гульні - калі выстаялі чатыры мінуты ў меншасці. У сваёй большасці не атрымалася рэалізаваць моманты, іх абаронцы добра перакрывалі, а варатар дапамагаў. Некалькі разоў заходзілі ў афсайд,  усё ж хлопцы маладыя і крыху спяшаюцца. Пра не залічаную ў авертайме шайбу нават не думалі. Гульня там была роўная, ініцыятыва пераходзіла туды-сюды, добра, мы атрымалі шанц і ім скарысталіся", - сказаў Квартальнаў на прэс-канферэнцыі пасля матчу.

24 студзеня дынамаўцаў чакае паядынак у Маскве, дзе прымаць мінчан будзе дзеючы чэмпіён КХЛ – ЦСКА. Сустрэча "зуброў" і "армейцаў" стартуе ў 19.30.-0-
Падпісвайцеся на нас у
Twitter
Топ-навіны
Свежыя навіны Беларусі