ДЗЯРЖОРГАНЫДЗЯРЖОРГАНЫ
Флаг Серада, 10 жніўня 2022
Мінск +20°C
Усе навіны
Усе навіны
Спорт
25 мая 2022, 13:44

Кавальчук пакінуў пасаду галоўнага трэнера футбалістаў брэсцкага"Дынама"

Сяргей Кавальчук. Фота з архіва
Сяргей Кавальчук. Фота з архіва

25 мая, Мінск /Кар. БЕЛТА/. Футбольны клуб "Дынама-Брэст" задаволіў запыт галоўнага трэнера Сяргея Кавальчука аб спыненні супрацоўніцтва. Разам з ім каманду пакінулі два яго памочнікі Андрэй Пракапюк і Дзмітрый Мазалеўскі. Такая інфармацыя размешчана на афіцыйным сайце брэсцкага клуба, паведамляе БЕЛТА.

Развітанне з трэнерскім штабам адбылося пасля няўдалага старту ў чэмпіянаце Беларусі. У дзевяці турах брэсцкія дынамаўцы не атрымалі ні адной перамогі, пацярпеўшы пяць паражэнняў і чатыры разы згуляўшы ўнічыю. Набраўшы 4 ачкі, брастаўчане падзяляюць 15-16-я месцы з дэбютантам вышэйшай лігі дзяржынскім "Арсеналам". Сяргей Кавальчук звязаны з брэсцкім "Дынама" на працягу 26 гадоў. Гэты вялікі перыяд уключыў у сябе кар'еру іграка (178 матчаў), кар'еру трэнера (239 матчаў) і нядоўгі тэрмін у якасці спартыўнага дырэктара. ФК "Дынама-Брэст" падзякаваў Сяргею Кавальчуку і яго асістэнтам за работу і пажадаў ім поспехаў у далейшай рабоце.

Пошукі новага галоўнага трэнера "Дынама-Брэст" прадаўжаюцца і будуць завершаны ў бліжэйшы час. Да дамашняга матчу 10-га тура супраць лідара першынства барысаўскага БАТЭ, які адбудзецца 28 мая, каманду рыхтуе Аляксандр Храпкоўскі. Гэты 47-гадовы спецыяліст працуе ў клубе з пачатку 2021 года, калі папоўніў трэнерскі штаб у якасці аднаго з асістэнтаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі