ДЗЯРЖОРГАНЫДЗЯРЖОРГАНЫ
Флаг Чацвер, 18 жніўня 2022
Мінск Ясна +20°C
Усе навіны
Усе навіны
Спорт
07 чэрвеня 2022, 11:06

Юныя спартсмены з Беларусі прымуць удзел у Тыдні лёгкай атлетыкі ў Маскве

Фота з архіва
Фота з архіва

7 чэрвеня, Мінск /Кар. БЕЛТА/. У Маскве з 7 па 13 чэрвеня адбудзецца серыя лёгкаатлетычных стартаў пад назвай "Тыдзень лёгкай атлетыкі" з удзелам юных беларускіх атлетаў, паведамілі БЕЛТА ў прэс-службе БФЛА.

Спаборніцтвы пройдуць на Паўночным спартыўным ядры стадыёна "Лужнікі". Тыдзень лёгкай атлетыкі адкрыецца сёння традыцыйным турнірам "Мемарыял братоў Знаменскіх", а на працягу наступных шасці дзён адбудуцца вузканакіраваныя спаборніцтвы для прадстаўнікоў розных лёгкаатлетычных дысцыплін і ўзроставых груп.

Удзел у Тыдні лёгкай атлетыкі прымуць больш за 3000 спартсменаў ва ўзросце ад 12 да 65 гадоў, у тым ліку 38 юных беларусаў 2008-2010 г.н., якія будуць прадстаўлены ў чатырох дысцыплінах: 100 м, 200 м, скачкі ў даўжыню і скачкі ў вышыню. Акрамя выступлення на турніры, юнакі і дзяўчаты змогуць наведаць "Мемарыял братоў Знаменскіх", ток-шоу "Задай пытанне чэмпіёну", а таксама розныя майстар-класы.

Спаборніцтвы па скачках у даўжыню пройдуць 8-9 чэрвеня, фестываль спрынту адбудзецца 10-11 чэрвеня, турнір па скачках у вышыню запланаваны на 12-13 чэрвеня. Ва ўсіх дысцыплінах спаборніцтвы пройдуць у два кругі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі