7 красавіка, Мінск /Кар. БЕЛТА/. У Брэсцкім абласным цэнтры алімпійскага рэзерву па водных відах спорту прадаўжаецца адкрыты чэмпіянат Беларусі па плаванні, паведамляе карэспандэнт БЕЛТА.
У трэці дзень спаборніцтваў спартсмены разыгрывалі медалі на шасці асабістых дыстанцыях, а таксама ў дзвюх эстафетах. Лідар мужчынскай нацыянальнай каманды Ілья Шымановіч атрымаў другую перамогу на турніры, на гэты раз мінчаніну не было роўных у фінале на 50 м брасам. У папярэднім заплыве Шымановіч пабіў свой жа рэкорд Беларусі, а паказаны Ільёй рэзультат (26,28 сек.) стаў адным з лепшых у гісторыі плавання на гэтай дыстанцыі.
У фінале на 200 м на спіне сярод мужчын з лепшым часам фінішаваў Іван Адамчук, а на дыстанцыі 100 м вольным стылем самым хуткім стаў Руслан Скамарошка. У жанчын Настасся Шкурдай перамагла ў вырашальным заплыве на 50 м на спіне, за Уладзіславай Шаенка застаўся фінал на 200 м вольным стылем, а Алеся Акінчыц першынствавала на дыстанцыі 1500 м кролем.
Акрамя таго, у мужчынскай эстафеце 4х200 м вольным стылем золата заваяваў квартэт з Брэсцкай вобласці ў складзе Сяргея Сталярчука, Уладзіслава Задарожнага, Івана Адамчука і Уладзіслава Макарэвіча. Таксама каманда Брэстчыны стала мацнейшай у жаночай эстафеце 4х100 м комплексным плаваннем (Настасся Шкурдай, Карына Швед, Аліна Жорах, Алеся Ігнатовіч).
7 красавіка на чэмпіянаце Беларусі па плаванні спартсмены вызначаць лепшых у шасці асабістых відах праграмы, а таксама ў адной змешанай эстафеце. Турнір у Брэсце завершыцца ў суботу.-0-
