ДЗЯРЖОРГАНЫДЗЯРЖОРГАНЫ
Флаг Серада, 19 студзеня 2022
Мінск Суцэльная воблачнасць -4°C
Усе навіны
Усе навіны
Спорт
10 лістапада 2021, 10:41

Хакеісты "Нью-Джэрсі" выйгралі ў "Фларыды" ў матчы чэмпіянату НХЛ

Фота з архіва
Фота з архіва

10 лістапада, Мінск /Кар. БЕЛТА/. Хакеісты "Нью-Джэрсі" выйгралі ў "Фларыды" ў дамашнім матчы чэмпіянату НХЛ. Паядынак на лёдзе Prudential-center завяршыўся з лікам 7:3 (2:1, 2:2, 3:0), паведамляе карэспандэнт БЕЛТА.

У складзе пераможцаў двойчы закінуў Андрэас Юнсан (16-я і 22-я мінуты). Акрамя таго, галы на рахунку Ніка Хішыра (18), Пі Кей Субана (39), Паўла Заха (45), Тая Сміта (46) і Джымі Весі (57). У прайграўшай каманды вызначыліся Сэм Бенет (4), Аляксандр Баркоў (21) і Оўэн Ціпет (22).

Нягледзячы на пройгрыш, гэта сустрэча стала знакавай для фінскага хакеіста Аляксандра Баркова. Ён закінуў 189 шайбаў у складзе "пантэр" і, абышоўшы суайчынніка Олі Ёкінена, стаў лепшым снайперам у гісторыі сваёй дружыны.

Беларускі легіянер "Дэвілз" Ягор Шаранговіч, які трэніраваўся да гэтага паядынку ў складзе чацвёртага звяна, у заяўку на матч не трапіў. На яго рахунку засталося 10 матчаў, па выніках якіх былы мінскі дынамавец набраў тры асістэнцкія балы.

"Дэвілз" перамаглі другі раз запар. Для іх сапернікаў гэта другое паражэнне ў рэгулярным чэмпіянаце.

"Фларыда" лідзіруе ва Усходняй канферэнцыі. "Нью-Джэрсі" размяшчаецца на 10-м радку турнірнай табліцы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі