ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -6°C
Усе навіны
Усе навіны
Спорт
17 лістапада 2022, 10:31

Хакеісты мінскага "Дынама" пачынаюць дамашнюю серыю ў КХЛ

Фота ХК "Дынама"
Фота ХК "Дынама"

17 лістапада, Мінск /Кар. БЕЛТА/. Хакейнае мінскае "Дынама" сёння пачне чарговую дамашнюю серыю матчаў у рамках рэгулярнага чэмпіянату Кантынентальнай хакейнай лігі, паведамляе карэспандэнт БЕЛТА.

Сапернікам "зуброў" стане "Сібір" з Новасібірска. Абедзве каманды знаходзяцца ў зоне плэй-оф сваіх канферэнцый: дынамаўцы з 32 ачкамі ідуць 8-мі на Захадзе, "Сібір" размяшчаецца на 5-й пазіцыі Усхода, маючы 37 балаў. Напярэдадні падапечныя Крэйга Вудкрафта вярнуліся з кароткага гасцявога турнэ, у рамках якога буйна прайгралі лідарам лігі ЦСКА і СКА (5:8, 2:7). Да выязных няўдач мінчане мелі чатырохматчавую пераможную серыю.

Новасібірцаў жа ў лістападзе штарміць: з васьмі апошніх гульняў каманда выйграла роўна палавіну, прычым у гэты адрэзак умясціліся вікторыі над лепшымі камандамі лігі СКА і "Аўтамабілістам", а таксама паражэнні ад "Трактара" і "Барыса", якія не хапаюць зорак з неба.

У цяперашнім чэмпіянаце КХЛ каманды паміж сабой яшчэ не гулялі, а ў мінулым сезоне перамогі ў абедзвюх вочных сустрэчах адсвяткавалі хакеісты з Новасібірска (3:2, 2:1). Перад пачаткам бягучай рэгуляркі "Дынама" і "Сібір" правялі таварыскі матч, дзе мацнейшымі былі мінчане - 3:2. Чарговае процістаянне "зуброў" і сібіракоў стартуе на "Мінск-Арэне" ў 19.10.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі