ДЗЯРЖОРГАНЫДЗЯРЖОРГАНЫ
Флаг Панядзелак, 6 лютага 2023
Мінск Суцэльная воблачнасць -5°C
Усе навіны
Усе навіны
Спорт
26 кастрычніка 2022, 09:07

Хакеісты бабруйскага "Дынама-Шынніка" атрымалі чарговую перамогу ў МХЛ

Фота з архіва
Фота з архіва

26 кастрычніка, Мінск /Кар. БЕЛТА/. Хакеісты бабруйскага "Дынама-Шынніка" правялі чарговы матч у рамках рэгулярнага чэмпіянату Маладзёжнай хакейнай лігі, паведамляе карэспандэнт БЕЛТА.

У аўторак падапечныя Андрэя Міхалёва гасцілі ў Балашысе ў мясцовых "Рускіх віцязяў". Лік у паядынку быў адкрыты на старце другога перыяду: пры гульні ў большасці вызначыўся форвард бабруйчан Сцяпан Звягін. У хуткім часе гаспадары зраўнавалі лічбы на табло, але гэты поспех застаўся для "віцязяў" адзіным - далей закідвалі толькі беларусы. Спачатку Данііл Ліпскі вывеў "шыннікаў" наперад, а праз дзве мінуты Сцяпан Звягін аформіў дубль. У фінальным перыядзе юныя дынамаўцы давялі лік да вялікага - 5:1, пастараліся Леанід Булгакаў і Мацвей Ладуцька.

Гэта перамога стала для бабруйскага клуба пятай у апошніх шасці матчах. На гэты момант "Дынама-Шыннік" з 20 баламі ідзе ў зоне плэй-оф МХЛ, размяшчаючыся на 3-м месцы дывізіёна "Сярэбраны" Заходняй канферэнцыі. Наступны паядынак у рэгулярным чэмпіянаце наша каманда правядзе 27 кастрычніка ў гасцях у "Чырвонай арміі".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі