ДЗЯРЖОРГАНЫДЗЯРЖОРГАНЫ
Флаг Пятніца, 19 жніўня 2022
Мінск Суцэльная воблачнасць +25°C
Усе навіны
Усе навіны
Спорт
22 красавіка 2022, 10:13

Гомельская і Бранская вобласці падпісалі дагавор аб супрацоўніцтве ў спартыўнай сферы

Фота telegram-канала  "Гомельшчына афіцыйна"
Фота telegram-канала "Гомельшчына афіцыйна"

22 красавіка, Гомель /Кар. БЕЛТА/. Упраўленне спорту і турызму Гомельскага аблвыканкама і дэпартамент фізічнай культуры і спорту Бранскай вобласці падпісалі дагавор аб супрацоўніцтве на 2022-2023 гады, паведамляе БЕЛТА са спасылкай на Telegram-канал "Гомельшчына афіцыйна".

Прыгранічныя рэгіёны Беларусі і Расіі год ад году ўмацоўваюць адносіны ў розных сферах. "Хочацца як мага больш сустракацца менавіта на спартыўных пляцоўках, каб нашы спартсмены розных узростаў вучыліся ў сваіх таварышаў, пераймалі вопыт для дасягнення максімальных вынікаў", - расказаў начальнік упраўлення спорту і турызму Гомельскага аблвыканкама Павел Старасвецкі. Паводле яго слоў, старт першым спаборніцтвам з удзелам бранскіх і гомельскіх спартсменаў будзе дадзены ўжо ў маі. Чакаецца і ўдзел зборнай каманды Бранскай вобласці па лёгкай атлетыцы ў традыцыйным турніры ў Гомелі.

Таксама ёсць новыя напрамкі ў рамках турыстычнага ўзаемадзеяння. "Мы ўжо дамовіліся аб першым рэкламным туры на сваёй тэрыторыі. Спадзяёмся, што ён адбудзецца ў бліжэйшы час", - падзяліўся планамі Павел Старасвецкі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі