19 красавіка, Мінск /Кар. БЕЛТА/. Футбалісты "Рэала" і "Мілана" першымі прабіліся ў паўфінал Лігі чэмпіёнаў, паведамляе карэспандэнт БЕЛТА.
Пасля дамашняй вікторыі над лонданскім "Чэлсі" (2:0) дзеючыя пераможцы ЛЧ з такім жа рэзультатам выйгралі і ў брытанскай сталіцы. Галявы дубль у гэтай сустрэчы аформіў бразільскі форвард "Рэала" Радрыга, які вызначыўся на 58-й і 80-й мінутах. Сапернік каманды Карла Анчэлоці вызначыцца сёння ў Мюнхене пасля сустрэчы паміж "Баварыяй" і англійскім "Манчэстэр Сіці". На мінулым тыдні ў Манчэстэры адзін з фаварытаў прэм'ер-лігі разграміў чэмпіёнаў Германіі з лікам 3:0.
У другім паядынку італьянскага чвэрцьфінальнага дэрбі лідары серыі А футбалісты "Напалі" на сваім полі здолелі дабіцца нічыёй з "Міланам" - 1:1, але завяршылі выступленне. У дамашняй гульні міланцы перамаглі неапалітанцаў з мінімальнай перавагай у ліку 1:0. Яшчэ адзін міланскі клуб "Інтэр" прыме на сваёй арэне лісабонскую "Бенфіку". У партугальскай сталіцы італьянскі клуб перамог з рэзультатам 2:0.
Паўфінальныя матчы пройдуць 9-10 мая і 16-17 мая, вырашальны паядынак ЛЧ адбудзецца 10 чэрвеня ў Стамбуле.-0-
