8 чэрвеня, Мінск /Кар. БЕЛТА/. Такіх праектаў будзе нямала, заявіў старшыня цэнтральнага савета Прэзідэнцкага спартыўнага клуба Дзмітрый Лукашэнка на адкрыцці шматфункцыянальнай спартыўнай пляцоўкі на базе Нясвіжскага дзяржаўнага каледжа імя Я.Коласа, перадае карэспандэнт БЕЛТА.
"Мы сталі сведкамі адкрыцця спартыўнай шматфункцыянальнай пляцоўкі ў гэтым прыгожым гістарычным месцы. Такіх праектаў будзе нямала. Кожны раён Мінскай вобласці атрымае ў падарунак такую пляцоўку. Яна можа быць крыху відазмененай, але, у прынцыпе, будзе такой жа", - сказаў Дзмітрый Лукашэнка.
Ён падзякаваў усім, хто прымаў удзел у будаўніцтве спартыўнага аб'ектаў і добраўпарадкаванні прылеглай тэрыторыі. "Тут дапамагалі і працавалі не толькі настаўнікі каледжа, але і юнакі і дзяўчаты. Гэта вельмі прыемна. Дзякуй вам вялікі, - сказаў Дзмітрый Лукашэнка. - Няхай гэты спартыўны аб'ект стане цэнтрам прыцягнення не толькі для навучэнцаў, але і жыхароў і гасцей вашага цудоўнага горада. Таму займайцеся спортам!"
Пляцоўка адкрыта ў ходзе рэалізацыі праекта Прэзідэнцкага спартыўнага клуба "Спорт для ўсіх". Ініцыятыва стартавала ў ліпені 2021 года. Яе рэалізацыя прадугледжвае будаўніцтва комплексных і камфортных пляцовак па Street Workout, на якіх будзе зручна выконваць шырокі набор практыкаванняў як падлеткам, так і дарослым, у тым ліку з абмежаванымі фізічнымі магчымасцямі (параваркаўт). Плануецца адкрыццё пляцовак як для заняткаў варкаўтам, так і іншымі відамі спорту. Мэта і асноўная ідэя праекта - спорт, даступны кожнаму.-0-
