Фота ФІФА
16 сакавіка, Мінск /Кар. БЕЛТА/. Швейцарскі спартыўны функцыянер Джані Інфанціна трэці раз перавыбраны на пасаду прэзідэнта Міжнароднай федэрацыі футбола (ФІФА), паведамляе карэспандэнт БЕЛТА.
Сёння на 73-м кангрэсе ФІФА ў Кігалі (Руанда) Джані Інфанціна быў адзіным кандыдатам і, згодна з рэгламентам, быў выбраны на новы 4-гадовы тэрмін без галасавання.
Інфанціна, якому праз тыдзень споўніцца 53 гады, узначаліў ФІФА ў лютым 2016 года, змяніўшы швейцарца Ёзэфа Блатэра, які пайшоў у адстаўку з-за карупцыйнага скандалу, а ў чэрвені 2019 года быў перавыбраны на другі тэрмін. Джані Інфанціна з'яўляецца дзявятым кіраўніком ФІФА за ўсю яе гісторыю.-0-
