4 мая, Мінск /Кар. БЕЛТА/. Чарговыя адборачныя матчы чэмпіянату Еўропы футбалісты зборнай Беларусі правядуць у сталіцы Венгрыі, паведамілі БЕЛТА ў асацыяцыі "Беларуская федэрацыя футбола".
У паядынку 3-га тура кваліфікацыйнай групы I падапечныя Георгія Кандрацьева 16 чэрвеня згуляюць з камандай Ізраіля, а 19 чэрвеня сустрэнуцца з футбалістамі Косава. Абедзве сустрэчы пройдуць у Будапешце на стадыёне "Ферэнца Сусы", трыбуны якога ўмяшчаюць 13 тыс. гледачоў. Праўда, па рашэнні УЕФА, калі каманда прымае сапернікаў на нейтральным полі, то гульні праходзяць без гледачоў.
На старце адборачнага турніру Еўра-2024 зборная Беларусі прайграла Швейцарыі (0:5) і Румыніі (1:2). Футбалісты Косава двойчы разышліся мірам з Ізраілем і Андорай (1:1), ізраільцяне яшчэ ўступілі швейцарцам (0: 3). Становішча каманд пасля двух тураў: Швейцарыя, Румынія - па 6 ачкоў, Косава - 2, Андора, Ізраіль - па 1, Беларусь - 0.
Адборачны турнір чэмпіянату Еўропы завершыцца ў лістападзе. Пуцёўкі ў фінальную стадыю кантынентальнага першынства, якое адбудзецца летам наступнага года ў Германіі, атрымаюць дзве лепшыя каманды кваліфікацыйнай групы.-0-
