ДЗЯРЖОРГАНЫДЗЯРЖОРГАНЫ
Флаг Чацвер, 30 сакавіка 2023
Мінск Малавоблачна -1°C
Усе навіны
Усе навіны
Спорт
29 лістапада 2022, 09:42

Другі фіналіст "Лігі храбрых" вызначыцца ў Мінску

Фота з архіва
Фота з архіва

29 лістапада, Мінск /Кар. БЕЛТА/. Сёння ў Мінску вызначыцца другі фіналіст першага каманднага барцоўскага турніру "Ліга храбрых". Яго арганізатарамі з'яўляюцца Прэзідэнцкі спартыўны клуб і Беларуская федэрацыя барацьбы, паведамляе карэспандэнт БЕЛТА.

За пуцёўку ў фінал пазмагаюцца юныя барцы Гродзенскай вобласці і госці з Масквы. У чвэрцьфінале масквічы аказаліся мацнейшымі за зборную Віцебскай вобласці, а іх сапернікі выйгралі ў каманды Мінска. У стартавай паўфінальнай сустрэчы ў сталічным цэнтры алімпійскай падрыхтоўкі імя Аляксандра Мядзведзя зборная Магілёўскай вобласці ўпэўнена перамагла каманду Мінскай вобласці з рэзультатам 20:9. Пераможцы паўфінальных баталій 11 снежня пазмагаюцца за першае месца, а няўдачнікі паўфіналаў сустрэнуцца ў матчы за трэцяе месца.

Спаборніцтвы, у якіх аб'яднаны тры віды барацьбы - вольная, грэка-рымская і жаночая, праходзяць у Беларусі ўпершыню. У складзе кожнай каманды па дзесяць спартсменаў (па адным у кожнай вагавой катэгорыі ў трох відах). У залік рэзультатаў уключаюцца паядынкі ў трох відах барацьбы па выніках 30 схватак. Турнір праводзіцца па сістэме з прамым выбываннем. Каманды складзены з юнакоў і дзяўчат 2007-2008 гадоў нараджэння, якія на пастаяннай аснове займаюцца спартыўнай барацьбой. "Ліга храбрых" праводзіцца для папулярызацыі спартыўнай барацьбы, пашырэння спартыўных і дружалюбных сувязей трох відаў барацьбы, фарміравання спартыўнага рэзерву.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі