2 мая, Мінск /Кар. БЕЛТА/. Беларусы прабіліся ў васьмёрку ўдзельнікаў фінальнага этапу Адзінай Кантынентальнай лігі па баскетболе 3х3, паведамляе карэспандэнт БЕЛТА.
На заключным этапе рэгулярнага сезона ў Санкт-Пецярбургу каманда "Мінск-Беларусь" дабралася да чвэрцьфіналу, у якім уступіла расійскай дружыне "COP Bad Boys" (11:20), якая ў выніку стала пераможцам. Па ходу апошняга тура беларусы перамаглі ў авертайме маскоўскую "Руну" (20:19) і ўступілі МБА (15:20). Для беларускай каманды гэта дэбют у АКЛ. У яе складзе пад кіраўніцтвам Дзмітрыя Калтунова выступаюць Сяргей Вабішчэвіч, Ян Марынін, Максім Каратцоў, Аляксей Навойчык і Аляксей Бачкар.
Акрамя мужчын у фінале згуляюць і жаночыя квартэты. Нашу краіну прадставяць нацыянальная зборная Беларусі і маладзёжная каманда (U-23). Вырашальныя баталіі пройдуць 17 мая ў Санкт-Пецярбургу. Лучшыя каманды атрымаюць права згуляць у Сербіі на турніры STREETBALL 3Х3 ELITE.-0-
