2 чэрвеня, Мінск /Кар. БЕЛТА/. У расійскай сталіцы на алімпійскім вяслярным канале ў Крылацкім стартавала 62-я Вялікая маскоўская рэгата, у якой прымаюць удзел і беларускія майстры акадэмічнага веславання, паведамляе карэспандэнт БЕЛТА.
Міжнародныя спаборніцтвы пройдуць у розных узроставых катэгорыях - ад юнакоў да ветэранаў. Сярод удзельнікаў нямала вядомых весляроў, у прыватнасці прызёр Алімпійскіх гульняў Алена Арабінская, чэмпіёны Еўропы і прызёры чэмпіянатаў свету Кацярына Севасцьянава і Настасся Ціханава.
Усяго ў турніры прымуць удзел больш за 1300 спартсменаў з Беларусі, Расіі, Узбекістана, Казахстана, Сербіі, Ірана і Арменіі. На гэты раз Вялікая маскоўская рэгата прысвечана 85-годдзю трохразовага алімпійскага чэмпіёна Вячаслава Іванова.-0-
