Сцяг Субота, 20 красавіка 2024
Усе навіны
Усе навіны
Спорт
16 снежня 2022, 10:43

Беларускія хакеісты з перамогі стартавалі на Кубку Першага канала

16 снежня, Мінск /Кар. БЕЛТА/. На "ЦСКА-Арэне" ў Маскве стартаваў традыцыйны міжнародны турнір па хакеі "Кубак Першага канала", паведамляе карэспандэнт БЕЛТА.

Зборная Беларусі прымае ўдзел у гэтым турніры ўпершыню з 1993 года. У стартавым матчы КПК-2022 падапечныя Вудкрафта сустракаліся з камандай Казахстана, якую ўзначальвае беларускі спецыяліст Андрэй Скабелка. Першая трэць закончылася з лікам 1:1 - наперад нашу каманду ўжо на 4-й мінуце вывеў Уладзімір Алістраў, сапернік зраўнаваў лічбы праз 10 мінут. У наступным перыядзе таксама былі закінуты дзве шайбы, але абедзве ў казахстанскія вароты - зноў вызначыўся Алістраў, таксама цэль паразіў Раман Гарбуноў. У заключным адрэзку Алістраў аформіў хет-трык, устанавіўшы тым самым канчатковы лік - 4:1 на карысць беларусаў.

Другі і заключны матч на Кубку Першага канала наша зборная правядзе супраць расіян 18 снежня (пачатак - у 14.30). А ў пятніцу з удзелам нашых хакеістаў у Маскве адбудзецца Міжнародны турнір па хакеі ў фармаце "3 на 3", дзе таксама выступяць каманды Расіі, Казахстана і Кітая. Паядынкі ў рамках гэтага турніру стартуюць у 19.00, прамыя трансляцыі будуць даступны на тэлеканале "Беларусь 5" і YouTube-канале "Хакей Беларусі".-0-

Падпісвайцеся на нас у
Twitter
Топ-навіны
Свежыя навіны Беларусі