15 мая, Мінск /Кар. БЕЛТА/. У Каспійску завяршыўся міжнародны турнір па грэка-рымскай барацьбе памяці Сураката Асіятылава сярод спартсменаў да 20 гадоў, паведамілі БЕЛТА ў прэс-службе Беларускай федэрацыі барацьбы.
Медалі спаборніцтваў у Рэспубліцы Дагестан у дзесяці вагавых катэгорыях разыгрывалі амаль 200 атлетаў з шасці краін: Беларусі, Расіі, Арменіі, Ірана, Казахстана і Кыргызстана. Прадстаўнікі беларускай каманды заваявалі на турніры па адной залатой і сярэбранай узнагародзе, а таксама тры бронзы. Пераможцам мемарыяла Асіятылава ў вазе да 97 кг стаў Абубакар Хаслаханаў, на другую прыступку п'едэстала ў катэгорыі да 130 кг падняўся Данііл Казлоў. Бронзавыя медалі спаборніцтваў выйгралі Ілья Валеўскі, Мікіта Мурашка (абодва - да 67 кг) і Дзяніс Вітарой (да 55 кг).-0-
