10 мая, Мінск /Кар. БЕЛТА/. У сталіцы Узбекістана Ташкенце прадаўжаецца чэмпіянат свету па боксе, у якім пад нацыянальным сцягам прымалі ўдзел беларускія спартсмены, паведамляе карэспандэнт БЕЛТА.
Апошнім прадстаўніком Беларусі, які прадаўжаў барацьбу за медалі сусветнага форуму, быў Аляксей Алфёраў - сярэбраны прызёр папярэдняга ЧС у катэгорыі да 80 кг. На гэты раз Алфёраў дайшоў да чвэрцьфіналу, дзе раздзельным рашэннем суддзяў прайграў расіяніну Імаму Хатаеву (1:4). Напярэдадні на стадыі 1/8 фіналу выступленні на чэмпіянаце свету завяршылі нашы Аляксандр Радзівонаў (в/к да 71 кг), які не справіўся з бразільцам Вандэрсанам дэ Алівейра (3:4), а таксама Кірыл Самадураў (да 67 кг), які ўступіў узбекскаму спартсмену А.Муйдзінхужаеву (0:5).
На планетарным форуме ў Ташкенце выступілі восем беларускіх баксёраў, раней галоўны турнір сезона пакінулі Яўген Кармільчык (да 48 кг, 1/8 фіналу), Дзяніс Салоцкіх (да 51 кг, 1/16 фіналу), Максім Панькоў (да 57 кг, 1/32 фіналу), Артур Туніеў (да 60 кг, 1/32 фіналу) і Дзмітрый Дзяшкевіч (да 63,5 кг, 1/32 фіналу). Усяго чэмпіянат свету ва Узбекістане сабраў 538 баксёраў са 107 краін, паўфіналы ЧС адбудуцца 12 мая, паядынкі за залатыя медалі ў 13 вагавых катэгорыях пройдуць у суботу і нядзелю.-0-
