Фота Unsplash
23 мая, Мінск /Кар. БЕЛТА/. Баксёры зборнай Беларусі прымуць удзел у міжнародным турніры памяці Героя Савецкага Саюза Канстанціна Караткова ў Хабараўску, паведамляе карэспандэнт БЕЛТА.
У складзе беларускай каманды 15 спартсменаў - 9 мужчын і 6 жанчын. Сярод удзельнікаў і бронзавы прызёр чэмпіянатаў свету і Еўропы Юлія Апанасовіч, якая выступіць у вагавой катэгорыі да 54 кг. Усяго на рынг хабараўскага спарткомплексу імя Леніна выйдуць амаль 100 баксёраў з 17 краін. У жанчын узнагароды будуць разыграны ў шасці вагавых катэгорыях, мужчыны пазмагаюцца за 13 камплектаў узнагарод.
46-ы па ліку турнір памяці К.Караткова прадоўжыцца да 27 мая.-0-
