ДЗЯРЖОРГАНЫДЗЯРЖОРГАНЫ
Флаг Нядзеля, 14 жніўня 2022
Мінск Суцэльная воблачнасць +19°C
Усе навіны
Усе навіны
Спорт
14 чэрвеня 2022, 17:21

Беларускі спецыяліст Андрэй Скабелка назначаны галоўным трэнерам ХК "Барыс"

Андрэй Скабелка. Фота з архіва
Андрэй Скабелка. Фота з архіва

14 чэрвеня, Мінск /Кар. БЕЛТА/. Беларускі спецыяліст Андрэй Скабелка назначаны галоўным трэнерам "Барыса" з Нур-Султана, які выступае ў Кантынентальнай хакейнай лізе, паведамляе БЕЛТА са спасылкай на прэс-службу казахстанскага клуба.

Скабелка ўжо ўзначальваў "Барыс" з 2018 па 2020 год. За два сезоны пад кіраўніцтвам беларускага спецыяліста клуб са сталіцы Казахстана двойчы выйграваў дывізіён Чарнышова і абодва разы даходзіў да паўфіналу Усходняй канферэнцыі КХЛ. Таксама Скабелка трэніраваў новакузнецкі "Металург", ХК "Гомель", ніжагародскае "Тарпеда", новасібірскую "Сібір" і омскі "Авангард". Папярэднім месцам работы беларускага трэнера быў яраслаўскі "Лакаматыў". З 2012 па 2013 год спецыяліст узначальваў нацыянальную зборную Беларусі, а ў далейшым тройчы прызнаваўся лепшым трэнерам краіны.

Кантракт з 51-гадовым спецыялістам разлічаны на два сезоны. На пасадзе рулявога "Барыса" Скабелка змяніў Юрыя Міхайліса. У мінулым рэгулярным чэмпіянаце КХЛ клуб з Нур-Султана заняў восьмае месца на Усходзе, а ў серыі першага раўнда плэй-оф прайграў магнітагорскаму "Металургу"(2-4).-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі