ДЗЯРЖОРГАНЫДЗЯРЖОРГАНЫ
Флаг Панядзелак, 27 чэрвеня 2022
Мінск Малавоблачна +28°C
Усе навіны
Усе навіны
Спорт
19 красавіка 2022, 12:36

Беларуская тэнісістка Аляксандра Сасновіч знялася з турніру ў Стамбуле

Фота з архіва
Фота з архіва

19 красавіка, Мінск /Кар. БЕЛТА/. Беларуская тэнісістка Аляксандра Сасновіч (50-ы нумар сусветнага рэйтынгу) знялася з турніру катэгорыі WTA-250 у турэцкім Стамбуле з прызавым фондам $251 тыс., паведамляе карэспандэнт БЕЛТА.

Сёння ў матчы 1/16 фіналу беларуска павінна была сустрэцца з румынкай Саранай Кырсця (24), але не змагла выйсці на корт з-за стану здароўя. Расіянка Каміла Рахімава (95), якая замяніла яе, уступіла румынцы ў дзвюх партыях - 4:6, 1:6. У барацьбе за выхад у чвэрцьфінал Кырсця сустрэнецца з пераможцам гульні паміж нідэрландскай тэнісісткай Аранчай Рус (74) і турчанкай Іпек Оз (219). У матчы 1/8 фіналу парнага разраду беларуска Лідзія Марозава і амерыканка Кейтлі Крысціян згуляюць з амерыкана-французскім дуэтам Інгрыд Ніл / Эліксан Лечэмія.

Лепшая беларуская тэнісістка чацвёртая ракетка планеты Арына Сабаленка паспяхова стартавала ў парным разрадзе турніру WTA-500 у нямецкім Штутгарце з прызавым фондам $757 тыс. У 1/8 фіналу беларуска і іспанка Паўла Бадоса перайгралі аўстралійска-туніскі дуэт Элен Перэс / Унс Джабір - 7:5, 7:5. У адзіночным разрадзе Арына Сабаленка пачне выступленне з другога раўнда, дзе яе саперніцай будзе пераможца паядынку 1/16 фіналу паміж немкай Юлі Німаер (108) і прадстаўніцай Канады Б'янкай Андрэеску (121).

Турніры ў Стамбуле і Штутгарце завершацца 24 красавіка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі