ДЗЯРЖОРГАНЫДЗЯРЖОРГАНЫ
Флаг Пятніца, 19 жніўня 2022
Мінск Суцэльная воблачнасць +25°C
Усе навіны
Усе навіны
Спорт
20 красавіка 2022, 10:38

Беларуская сінхраністка Васіліна Хандошка выйграла серабро на чэмпіянаце Расіі

Васіліна Хандошка. Фота з архіва Беларускай федэрацыі сінхроннага плавання
Васіліна Хандошка. Фота з архіва Беларускай федэрацыі сінхроннага плавання

20 красавіка, Мінск /Кар. БЕЛТА/. Беларуска Васіліна Хандошка заняла другое месца ў тэхнічнай праграме салістак на адкрытым чэмпіянаце Расіі па сінхронным плаванні, які праходзіць у Казані, паведамляе карэспандэнт БЕЛТА.

Хандошка паказала рэзультат 92,5886 бала і ўступіла толькі прадстаўніцы зборнай Расіі Варвары Субоцінай (95,9823). Бронзавая ўзнагарода дасталася Надзеі Дзямідавай з першай каманды Масквы (91,8394).

У групавых спаборніцтвах тэхнічнай праграмы зборная Беларусі ў складзе Веры Буцаль, Маргарыты Кірылюк, Ганны Коўцун, Яны Кудзінай, Ксеніі Куляшовай і Валерыі Пузь заняла пятае месца з рэзультатам 88,4054 бала. Золата заваявала зборная Расіі, усяго ў спаборніцтвах прынялі ўдзел 14 каманд.

Адкрыты чэмпіянат Расіі ў Казані завершыцца 22 красавіка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі