Фота НАК Беларусі
7 чэрвеня, Мінск /Кар. БЕЛТА/. Беларускія спартсмены заваявалі чарговую ўзнагароду на "Тыдні лёгкай атлетыкі" ў Маскве, паведамляе карэспандэнт БЕЛТА.
У жаночых спаборніцтвах па скачках у вышыню залаты медаль выйграла беларуска Карына Дзямідзік, якая пераадолела планку на вышыні 1 м 91 см.
У першы дзень спаборніцтваў беларуска Эльвіра Грабарэнка першынствавала ў забегу на 60 м з бар'ерамі, а Руслана Раманоўская фінішавала другой. У мужчын у гэтай дысцыпліне беларускі бягун Віталь Парахонька стаў сярэбраным прызёрам.
7 чэрвеня ў расійскай сталіцы будуць спаборнічаць майстры скачкоў у даўжыню і трайным, 8-9 чэрвеня пройдуць спрынтарскія забегі, 10 чэрвеня адбудуцца традыцыйны турнір памяці братоў Знаменскіх.-0-
