10 мая, Мінск /Кар. БЕЛТА/. Беларускі тэнісіст Ілья Івашка (73-і нумар сусветнага рэйтынгу) пацярпеў паражэнне ў першым крузе турніру АТР-1000 у Рыме з прызавым фондам 7,7 млн еўра, паведамляе карэспандэнт БЕЛТА.
Сёння ў 1/64 фіналу беларус прайграў у дзвюх партыях швейцарскаму тэнісісту Станісласу Ваўрынку (84) - 2:6, 4:6. У другім раўндзе апанентам швейцарца будзе балгарын Грыгар Дзімітраў (33).
Першай з трох беларускіх прадстаўніц у жаночым адзіночным разрадзе на корт выйшла Аляксандра Сасновіч (44). Учора ў стартавым матчы яна ва ўпартай барацьбе абыграла прадстаўніцу Канады Лейлу Фернандэс (50) - 7:6 (7:4), 4:6, 6:3. У 1/32 фіналу беларуска сустрэнецца з харвацкай тэнісісткай Доннай Векіч (24). Яшчэ дзве беларускі пачнуць выступленне ў італьянскай сталіцы з другога круга. Другая ракетка планеты Арына Сабаленка сустрэнецца з прадстаўніцай ЗША Сафіяй Кенін (134). Саперніцай Вікторыі Азаранка (17) у 1/32 фіналу будзе амерыканка Слоан Стывенс (36).
Спаборніцтвы на адкрытых грунтавых кортах сталіцы Італіі фінішуюць 21 мая.-0-
