ДЗЯРЖОРГАНЫДЗЯРЖОРГАНЫ
Флаг Чацвер, 29 верасня 2022
Мінск +10°C
Усе навіны
Усе навіны
Спорт
12 жніўня 2022, 16:40

Беларус Дзяніс Лазавік стаў пераможцам шахматнага турніру "Мінск-2022"

Фота з архіва
Фота з архіва

12 жніўня, Мінск /Кар. БЕЛТА/. Беларускія шахматысты занялі ўвесь п'едэстал гонару на міжнародным турніры "Мінск-2022", які праходзіў на базе РЦАП па шахматах і шашках, паведамляе карэспандэнт БЕЛТА.

Пераможцам стаў 16-гадовы міжнародны майстар Дзяніс Лазавік з Мінска. У дзевяці праведзеных партыях ён атрымаў шэсць вікторый і тройчы згуляў унічыю, набраўшы 7,5 ачка. Дзяніс Лазавік самы юны ігрок у гісторыі беларускіх шахмат, які выканаў усе неабходныя нормы для прысваення звання міжнароднага гросмайстра. Гэта яму ўдалося зрабіць яшчэ ва ўзросце 15 гадоў, але афіцыйныя дакументы з Міжнароднай федэрацыі шахмат (ФІДЭ) пакуль не атрыманы. На другой пазіцыі ў цяперашнім турніры фінішаваў яшчэ адзін малады беларускі міжнародны гросмайстар Міхаіл Нікіценка, трэцяе месца заняў міжнародны майстар з Беларусі Вячаслаў Зарубіцкі.

Усяго ў турніры прынялі ўдзел 156 шахматыстаў з сямі краін - Беларусі, Літвы, Грузіі, Украіны, Сербіі, Туркменістана і Расіі. Самаму юнаму ўдзельніку спаборніцтваў 8 гадоў, самаму старэйшаму 84 гады. Агульны прызавы фонд спаборніцтваў склаў Br26 тыс. Такі буйны шахматны турнір у Мінску апошні раз праводзіўся ў 2015 годзе.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі