21 красавіка, Мінск /Кар. БЕЛТА/. На жаночым чэмпіянаце Беларусі па баскетболе сёння стартуюць медальныя серыі, якія прадоўжацца да трох вікторый, паведамляе карэспандэнт БЕЛТА.
У барацьбе за золата другі сезон запар пазмагаюцца дзеючы чэмпіён Беларусі "Гарызонт" і гродзенская "Алімпія". У мінулым годзе падапечныя Наталлі Трафімавай выйгралі фінальную серыю з сухім лікам 3:0. З трох паядынкаў цяперашняга рэгулярнага першынства мінчанкі выйгралі два, а ў адным матчы перамагла каманда Вікторыі Дацун. У фінальным матчы Кубка Беларусі "Алімпія" аказала ўпартае супраціўленне "Гарызонту", але ў канцоўцы ўсё ж уступіла. Усе сустрэчы за залатыя медалі пройдуць на пляцоўцы сталічнага РДВАР (вул. Філімонава, 51), уваход на трыбуны свабодны. У актыве "Гарызонта" 13 чэмпіёнскіх тытулаў, "Алімпія" 7 разоў падымалася на вышэйшую прыступку п'едэстала гонару.
За бронзавыя ўзнагароды будуць змагацца няўдачнікі паўфінальных гульняў - баскетбалісткі "МІНСКА" і "Гомельскіх рысяў". Гаспадынямі двух стартавых паядынкаў (21 і 23 красавіка) будуць мінчанкі, а 28 красавіка сапернікі сустрэнуцца ў Гомелі. Год таму мінчанкі занялі трэцяе месца, тройчы абыграўшы гродзенскую "Вікторыю".
На наступным тыдні на мужчынскім чэмпіянаце краіны пачнуцца паўфінальныя серыі. Дзеючы чэмпіён Беларусі БК "МІНСК" згуляе з віцебскім "Рубонам", а сярэбраны прызёр магілёўскі "Барысфен" сустрэнецца з баскетбалістамі "Гродна-93".-0-
