ДЗЯРЖОРГАНЫДЗЯРЖОРГАНЫ
Флаг Чацвер, 30 чэрвеня 2022
Мінск Малавоблачна +25°C
Усе навіны
Усе навіны
Спорт
26 красавіка 2022, 13:14

Багдановіч: алімпійскі дэвіз для беларускіх і расійскіх атлетаў цяпер набывае асаблівы сэнс

Фота НАК
Фота НАК

26 красавіка, Мінск /Кар. БЕЛТА/. Алімпійскі дэвіз "Хутчэй, вышэй, мацней - разам" для беларускага і расійскага алімпійскага руху набывае асаблівы сэнс. Аб гэтым заявіў старшыня Камісіі спартсменаў НАК Аляксандр Багдановіч напярэдадні сумеснага пасяджэння камісій спартсменаў Нацыянальнага алімпійскага камітэта Беларусі і Алімпійскага камітэта Расіі, паведамілі БЕЛТА ў прэс-службе НАК.

На думку Аляксандра Багдановіча, пазіцыя спартыўнай грамадскасці Расіі і Беларусі застаецца непахіснай: не павінна быць дыскрымінацыі па нацыянальнай прыкмеце, двайных стандартаў, цкавання. Спорт павінен заставацца па-за палітыкай. "Асновай асноў з'яўляюцца нашы спартсмены, менавіта яны - сэрца алімпізму. У цяперашняй крызіснай сітуацыі атлеты найбольш неабароненыя, таму вельмі важна стварыць усе ўмовы для паўнацэннага трэніровачнага і спаборніцкага працэсу", - упэўнены ён.

Старшыня камісіі спартсменаў таксама падкрэсліў: "Кожны атлет для нас унікальны і з'яўляецца прыкладам для наступных пакаленняў. Патэнцыял, які дэманстравалі нашы спартсмены на ўсіх найбуйнейшых спаборніцтвах, уключаючы Алімпійскія гульні, будзе запатрабаваны доўгія гады. Прыярытэты для камісій спартсменаў Беларусі і Расіі нязменныя: абарона інтарэсаў атлетаў, захаванне ўзроўню нашых спаборніцтваў, каб у будучым, калі мы вернемся на міжнародную арэну, мы былі цалкам гатовыя і канкурэнтаздольныя".

На яго думку, спартыўныя галіны Беларусі і Расіі маюць вялікія рэсурсы і вопыт, каб пераадолець гэты крызіс і прадэманстраваць усяму свету прынцыпы дружбы і алімпізму. "Настаў час даказаць не на словах, а на справе, што мы разам. Нашы краіны здольныя праводзіць самыя значныя спартыўныя спаборніцтвы і нам не трэба будаваць новую інфраструктуру. Мы прадоўжым работу, у тым ліку і сумесную, па арганізацыі мерапрыемстваў у падтрымку нашых атлетаў і будзем выкарыстоўваць усе магчымасці, каб абараніць іх", - сказаў Аляксандр Багдановіч.

Сумеснае пасяджэнне камісій спартсменаў НАК Беларусі і АКР пройдзе 27 красавіка ў Мінску. Таксама вядучыя беларускія і расійскія атлеты правядуць майстар-класы па розных відах спорту. Акрамя таго, 28 красавіка расійскія госці прымуць удзел у Нацыянальным форуме атлетаў. Мерапрыемства пройдзе ў фармаце інтэрактыўнага навучальнага семінара-канферэнцыі з элементамі экспертнай дыскусіі. Яго гасцямі стануць амаль 250 чалавек - вядомыя беларускія і расійскія спартсмены і трэнеры, а таксама кіраўнікі і прадстаўнікі арганізацый фізічнай культуры і спорту Беларусі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі