4 мая, Мінск /Кар. БЕЛТА/. Беларуска Арына Сабаленка згуляе ў паўфінале турніру WTA-1000 у Мадрыдзе з прызавым фондам $7,6 млн, паведамляе карэспандэнт БЕЛТА.
Сёння ў паядынку за выхад у фінал другая ракетка планеты сустрэнецца з грэчаскай тэнісісткай Марыяй Сакары, якая займае 9-е месца ў сусветным рэйтынгу. У васьмі папярэдніх сустрэчах Сабаленка і Сакары беларуска атрымала пяць перамог, уступіўшы тройчы.
На шляху да сённяшняга паўфіналу лепшая беларуская тэнісістка абыграла румынку Сарану Кырсцю (44-ы нумар рэйтынгу WTA) - 6:4, 6:3, калумбійку Камілу Асорыа (115) - 6:4, 7:5, расіянку Міру Андрэеву (194) - 6:3, 6:1 і егіпцянку Маяр Шэрыф (59) - 2:6, 6:2, 6:1. У 2021 годзе Арына Сабаленка выйграла мадрыдскі турнір.
У другім паўфінале лідар сусветнага рэйтынгу полька Іга Свёнтак будзе сапернічаць з расійскай тэнісісткай Веранікай Кудзярметавай (13).
Заўтра ў паўфінальным матчы парнага разраду беларуска Вікторыя Азаранка і бразільянка Беатрыс Хадад Мая сустрэнуцца з амерыкана-канадскім дуэтам Тэйлар Таўнсенд / Лейла Фернандэс.
Турнір у іспанскай сталіцы завершыцца 7 мая.-0-
