ДЗЯРЖОРГАНЫДЗЯРЖОРГАНЫ
Флаг Панядзелак, 5 снежня 2022
Мінск Суцэльная воблачнасць -9°C
Усе навіны
Усе навіны
Спорт
09 верасня 2022, 15:25

"Арсенал" прыме брэсцкае "Дынама" на старце 21-га тура чэмпіянату Беларусі

Фота з архіва
Фота з архіва

9 верасня, Мінск /Кар. БЕЛТА/. На футбольным чэмпіянаце Беларусі сярод каманд вышэйшай лігі сёння адбудуцца стартавыя матчы 21-га тура, паведамляе карэспандэнт БЕЛТА.

У першым з іх футбалісты дзяржынскага "Арсенала" прымуць у Гарадзеі брэсцкае "Дынама". Дзяржынская каманда ў апошніх пяці турах пацярпела 5 паражэнняў, на мінулым тыдні "Арсенал" уступіў у гасцях "Слуцку" з лікам 0:1. Брастаўчане не прайграюць ужо чатыры туры запар, у мінулым туры яны абыгралі на сваёй арэне магілёўскі "Днепр" з рэзультатам 3:1.

Таксама сёння футбалісты "Славіі" сустрэнуцца ў Мазыры з гасцямі са "Слуцка". У 20-м туры мазыране згулялі ўнічыю ў Мазыры з мясцовымі тарпедаўцамі - 1:1.

Яшчэ тры сустрэчы адбудуцца заўтра: "Мінск" - "Іслач" (Мінскі раён), "Днепр" (Магілёў) - "Віцебск", БАТЭ (Барысаў) - "Дынама" (Мінск). Завершыцца 21-ы тур трыма сустрэчамі ў нядзелю, 11 верасня: "Энергетык-БДУ" (Мінск) - "Нёман" (Гродна), "Белшына" (Бабруйск) - "Тарпеда-БелАЗ" (Жодзіна), "Гомель" - "Шахцёр" (Салігорск).

Турнірнае становішча ў чэмпіянаце Беларусі цяпер такое: "Шахцёр" (Салігорск) - 40 ачкоў (19 матчаў), "Дынама" (Мінск) - 39 (19), БАТЭ - 39 (20), "Энергетык-БДУ" (Мінск) - 38 (19), "Мінск" - 33 (20), "Іслач" (Мінскі раён) - 31 (20), "Гомель" - 31 (20), "Тарпеда-БелАЗ" (Жодзіна) - 29 (20), "Нёман" (Гродна) - 27 (19), "Славія" (Мазыр) - 25 (20), "Белшына" (Бабруйск) - 23 (20), "Слуцк" - 21 (20), "Віцебск" - 18 (20), "Дынама" (Брэст) - 15 (19), "Арсенал" (Дзяржынск) - 13 (20), "Днепр" (Магілёў) - 9 (20).

Спіс лепшых бамбардзіраў узначальвае нападаючы "Энергетыка-БДУ" Бабір Абдзіхолікаў, які забіў 19 мячоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі