14 студзеня, Гомель /Кар. БЕЛТА/. У Гомелі з 19 па 23 студзеня пройдзе адкрыты Кубак Беларусі па сучасным пяцібор'і, паведамілі карэспандэнту БЕЛТА ў Гомельскім абласным цэнтры алімпійскага рэзерву (АЦАР) па прыкладных відах спорту.
За перамогу паспрачаюцца спартсмены (мужчыны, жанчыны) з Мінскай, Гомельскай, Магілёўскай абласцей і Мінска. Месцамі для спаборніцтваў вызначаны 4 пляцоўкі: спартыўны комплекс па вул. Партовай, 6, АЦАР па паралімпійскіх і дэфлімпійскіх відах спорту, па лёгкай атлетыцы і па прыкладных відах спорту. Па выніках будуць размеркаваны ачкі ў рэспубліканскі рэйтынг для далейшага адбору на міжнародныя спаборніцтвы.
Арганізатарам адкрытага Кубка выступае Міністэрства спорту і турызму. Спаборніцтвы нацэлены на развіццё і папулярызацыю сучаснага пяцібор'я, стымуляванне росту спартыўных дасягненняў і павышэнне ўзроўню спартыўнага майстэрства.-0-
