Фота МЗС Беларусі
30 сакавіка, Мінск /Кар. БЕЛТА/. У МЗС Беларусі сумесна з галоўным упраўленнем ДАІ правялі брыфінг для акрэдытаваных у краіне прадстаўнікоў замежных дыпмісій і прадстаўніцтваў міжнародных арганізацый, паведамляе БЕЛТА.
"Каля 80 дыпламатаў, жывая і плённая дыскусія - менавіта так сёння было ў МЗС на брыфінгу для акрэдытаваных у Беларусі прадстаўнікоў замежных дыпмісій і прадстаўніцтваў міжнародных арганізацый, праведзеным МЗС сумесна з галоўным упраўленнем ДАІ", - расказалі ў прэс-службе знешнепалітычнага ведамства.
У фокусе ўвагі - тэхнічныя пытанні рэгістрацыі аўтамабіляў замежнымі прадстаўнікамі і выкананне правіл дарожнага руху замежнымі дыпламатамі.-0-
