ДЗЯРЖОРГАНЫДЗЯРЖОРГАНЫ
Аўторак, 24 лістапада 2020
Мінск Суцэльная воблачнасць +5°C
Усе навіны
Усе навіны
Грамадства
29 кастрычніка 2020, 09:54

"Усё на законных падставах" - Караеў пракаменціраваў затрыманне пратэстуючых у кватэры ў мінчан

Фота з архіва
Фота з архіва

29 кастрычніка, Мінск /Кар. БЕЛТА/. Міністр унутраных спраў Юрый Караеў у эфіры праграмы "Зразумелая палітыка" на тэлеканале "Беларусь 1" пракаменціраваў затрыманне пратэстуючых у кватэры ў мінчан, якое адбылося 25 кастрычніка, паведамляе БЕЛТА.

"Тая зараджаная на бойку частка людзей, якая ішла ў першай шарэнзе, станавілася ў счапленне (бачылі гэтых п'яных, якія заклікалі кідацца грудзямі на калючы дрот і АМАП), у рэшце рэшт, не дабіўшыся сутыкнення і пайшоўшы з вуліцы Арлоўская назад у спальны раён, убачыла на шляху Цэнтральнае РУУС і некалькі машын органаў унутраных спраў і стала закідваць іх каменнем. Калі прымянілі спецсродкі (святлошумавыя гранаты), каб адагнаць і захапіць тых, хто гэта рабіў (гэта злачынцы), яны - прыкладна 30 чалавек - забеглі ў адзін дом. За імі "на плячах", зразумела, увайшлі супрацоўнікі органаў", - расказаў Юрый Караеў.

Ён адзначыў, што гэтыя дзеянні праваахоўнікаў былі пададзены ў інтэрнэце як незаконныя, але, згодна з законам аб органах унутраных спраў, супрацоўнікі міліцыі маюць права ўваходзіць у жылыя памяшканні, калі ў іх ёсць падставы лічыць, што там хаваецца чалавек, які ўчыняе або ўчыніў злачынства. "І адкуль мы ведаем: яны ўвайшлі ў загадзя падрыхтаваныя кватэры сваіх прыхільнікаў або проста ўварваліся ў кватэры добрапрыстойных грамадзян? Мы гэта павінны спыняць. Узялі менавіта тых, хто кідаў каменне, даюць паказанні ўжо, - дадаў міністр. - Таму ўсё на законных падставах".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі