Фота з архіва
17 жніўня, Мінск /Кар. БЕЛТА/. У Беларусі на 18 жніўня аб'яўлены аранжавы ўзровень небяспекі з-за спёкі, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Днём у чацвер, 18 жніўня, у многіх раёнах краіны тэмпература паветра дасягне 27-32 градусаў. Уначы тэмпература складзе ад 15 да 20 градусаў.
У цэлым па Беларусі прагназуецца невялікая воблачнасць, пераважна без ападкаў. Уначы і раніцай месцамі магчымы слабы туман. Вецер чакаецца паўночна-ўсходні, усходні 3-8 м/с.-0-
