ДЗЯРЖОРГАНЫДЗЯРЖОРГАНЫ
Флаг Чацвер, 6 мая 2021
Мінск Суцэльная воблачнасць +9°C
Усе навіны
Усе навіны
Грамадства
22 красавіка 2021, 17:02

Стварэнне цэнтралізаванай інфармсістэмы аховы здароўя ўвайшло ў актыўную фазу - Сідарэнка

22 красавіка, Мінск /Кар. БЕЛТА/. Стварэнне цэнтралізаванай інфармсістэмы аховы здароўя ўвайшло ў актыўную фазу, заявіў журналістам у прэс-цэнтры БЕЛТА загадчык сектара праграмна-інфармацыйнага забеспячэння Міністэрства аховы здароўя Віктар Сідарэнка.

"Падрыхтаваны даклад міністра аховы здароўя на гэту тэму, дзе ён закране бягучы стан, які ў нас ёсць у галіне. Будзе асветлена выкарыстанне такіх традыцыйных інфармацыйных сістэм, як рэспубліканская сістэма медыцынскага тэлекансультавання, электронны рэцэпт і выкарыстанне рэгістраў, якія забяспечваюць аўтаматызацыю ўнутраных бізнес-працэсаў аховы здароўя, - расказаў Віктар Сідарэнка. - Таксама мы пагаворым аб перспектывах. У дзяржаўнай праграме "Лічбавае развіццё Беларусі" на 2021-2025 гады за Міністэрствам аховы здароўя замацаваны тры мерапрыемствы. Гэта стварэнне адзінай службы кіравання хуткай медыцынскай дапамогай, сэрвісу па кіраванні службай пералівання крыві і трэці найбольш важны блок, які будзе цікавы як бізнесу, так і грамадзянам, - тэлемедыцынскае кансультаванне ўжо не "ўрач-урач", а "ўрач-пацыент". Тут размова ідзе аб тым, што любы грамадзянін Беларусі зможа аддалена атрымаць кансультацыю ў свайго лечачага ўрача па тым ці іншым пытанні. У тым ліку гэта дасць магчымасць зняць нагрузку з першаснага звяна.

"Акрамя таго, яшчэ ў мінулым годзе мы пачалі і цяпер уваходзім у актыўную фазу стварэння цэнтралізаванай інфармацыйнай сістэмы аховы здароўя. Гэта тэхналагічная платформа, якая аб'яднае ўсе арганізацыі аховы здароўя. Цэнтральным элементам платформы будзе электронная медыцынская карта пацыента. Вялікі блок - гэта міжведамаснае ўзаемадзеянне з МУС, органамі ЗАГСаў. Паколькі ў гэтай сістэме будзе інфармацыя з моманту нараджэння да моманту смерці пацыента. У далейшым інфармацыя будзе ў выглядзе пасмяротнага анамнезу захоўвацца ў сістэме для навуковых і статыстычных мэт, стварэння штучнага інтэлекту", - дадаў загадчык сектара.

28-29 красавіка ў Мінску адбудзецца першы міжнародны форум #GBC (Дзяржава. Бізнес. Грамадзяне). Яго асноўная мэта - прэзентацыя дасягненняў і праектаў у галіне электроннага ўрада, пошук новых шляхоў лічбавізацыі і ўзаемадзеяння дзяржавы - бізнесу - грамадзян з дапамогай інфармацыйна-камунікацыйных тэхналогій. Работа форуму будзе разбіта на чатыры тэматычныя блокі. Яны будуць прысвечаны пытанням пабудовы электроннага ўрада, укараненню біяметрычных дакументаў, канцэпцыі "Разумны горад", лічбавым сэрвісам дзяржавы для бізнесу і грамадзян.

У форуме прымуць удзел прадстаўнікі дзяржаўных органаў і арганізацый, IT-кампаній, банкаў, міжнародных арганізацый і навучальных устаноў. Мерапрыемства прадугледжвае гібрыдны фармат работы: афлайн і анлайн. Для атрымання спасылкі на трансляцыю неабходна прайсці рэгістрацыю на мерапрыемства на сайце www.gbcforum.by.

Арганізатары форуму - Нацыянальны цэнтр абмену трафікам і Нацыянальны цэнтр электронных паслуг. Мерапрыемства пройдзе пры падтрымцы Аператыўна-аналітычнага цэнтра пры Прэзідэнце Беларусі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі