8 лютага, Мінскі раён /Кар. БЕЛТА/. Беларускія ратавальнікі экіпіраваны і гатовы да выканання аварыйна-выратавальных работ у Турцыі. аб гэтым заявіў журналістам міністр па надзвычайных сітуацыях Вадзім Сіняўскі, перадае карэспандэнт БЕЛТА.
"Беларускія ратавальнікі поўнасцю экіпіраваны і гатовы да выканання задач па ліквідацыі наступстваў землетрасенняў у Турцыі", - сказаў Вадзім Сіняўскі.
Беларускія ратавальнікі акажуць дапамогу пры ліквідацыі наступстваў разбуральных землетрасенняў у Турцыі. Рэспубліканскі атрад спецыяльнага прызначэння "ЗУБР" МНС складаецца з 64 ратавальнікаў, пяці пошукавых сабак, акрамя таго, атрад мае два грузавыя аўтамабілі МАЗ і два легкавыя аўтамабілі павышанай праходнасці, прызначаныя для правядзення пошукава-выратавальных работ.-0-
