ДЗЯРЖОРГАНЫДЗЯРЖОРГАНЫ
Флаг Серада, 6 ліпеня 2022
Мінск +13°C
Усе навіны
Усе навіны
Грамадства
24 мая 2022, 14:51

Савет міністраў абароны АДКБ абмеркаваў кансалідацыю намаганняў у галіне ваеннай бяспекі

Фота з архіва
Фота з архіва

24 мая, Масква /Эдуард Півавар - БЕЛТА/. Савет міністраў абароны АДКБ у рэжыме відэаканферэнцыі 24 мая абмеркаваў абстаноўку ў зоне адказнасці арганізацыі і кансалідацыю намаганняў у галіне ваеннай бяспекі, паведамілі БЕЛТА ў прэс-службе АДКБ.

"Удзельнікі пасяджэння абмеркавалі выклікі і пагрозы ваеннай бяспецы ў рэгіёнах калектыўнай бяспекі і рэалізацыю прапаноў па выніках міратворчай аперацыі АДКБ у Рэспубліцы Казахстан у студзені 2022 года. З інфармацыяй аб гэтым выступіў генеральны сакратар АДКБ Станіслаў Зась, - расказалі ў прэс-службе. - На пасяджэнні было адзначана, што спектр пагроз ваеннай бяспецы дзяржаў - членаў АДКБ застаецца даволі шырокім і патрабуе кансалідацыі намаганняў па ўсіх напрамках дзейнасці арганізацыі".

Савет міністраў абароны зацвердзіў план сумеснай падрыхтоўкі органаў кіравання і фарміраванняў сіл і сродкаў сістэмы калектыўнай бяспекі АДКБ на 2023 год, што вызначае, у прыватнасці, правядзенне сумесных вучэнняў з калектыўнымі сіламі АДКБ. Адобраны дакументы, што датычацца ўдасканалення кіравання войскамі (калектыўнымі сіламі) АДКБ, а таксама праект рашэння Савета калектыўнай бяспекі аб сумесным фарміраванні радыяцыйнай, хімічнай і біялагічнай абароны і медыцынскага забеспячэння, што вызначае задачы фарміравання пры разгортванні на тэрыторыі дзяржавы - члена АДКБ, парадак яго аснашчэння ўзбраеннем, ваеннай і спецыяльнай тэхнікай.

Савет міністраў абароны прыняў рашэнне аб наданні статусу базавай навукова-даследчай арганізацыі дзяржаў - членаў АДКБ у галіне даследавання праблем развіцця радыёэлектроннай барацьбы Ваенна-паветранай акадэміі імя М.Я.Жукоўскага і Ваенна-паветранай акадэміі імя Ю.А.Гагарына Міністэрства абароны РФ. Статусы базавых вучэбна-метадычных арганізацый па падрыхтоўцы ваенных кадраў для дзяржаў - членаў АДКБ па спецыяльнасцях радыёэлектроннай барацьбы таксама нададзены ваенным вучэбна-навуковым цэнтрам Ваенна-паветраных сіл "Ваенна-паветраная акадэмія імя М.Я.Жукоўскага і Ю.А.Гагарына" і Сухапутных войскаў "Агульнавайсковая ордэна Жукава акадэмія Узброеных Сіл Расійскай Федэрацыі".

Пасяджэнне прайшло пад старшынствам міністра абароны Арменіі Сурэна Папікяна. У ім прынялі ўдзел міністры абароны Беларусі (генерал-лейтэнант Віктар Хрэнін), Казахстана (генерал-палкоўнік Руслан Жаксылыкаў), Кыргызстана (генерал-лейтэнант Бактыбек Бекбалотаў), Расіі (генерал арміі Сяргей Шайгу), Таджыкістана (генерал-палкоўнік Шэралі Мірзо), а таксама генеральны сакратар АДКБ Станіслаў Зась і начальнік Аб'яднанага штаба АДКБ генерал-палкоўнік Анатоль Сідараў.

Наступнае пасяджэнне Савета міністраў абароны АДКБ прапануецца правесці ў Арменіі ў другой палавіне бягучага года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі