ДЗЯРЖОРГАНЫДЗЯРЖОРГАНЫ
Чацвер, 29 кастрычніка 2020
Мінск Воблачна з праясненнямі +10°C
Усе навіны
Усе навіны
Грамадства
28 верасня 2020, 15:26

РФПІ паставіць у кастрычніку вакцыну "Спадарожнік V" у Беларусь для клінічных даследаванняў

Фота з архіва
Фота з архіва

28 верасня, Масква /БЕЛТА - ТАСС/. Расійскі фонд прамых інвестыцый (РФПІ) паставіць у кастрычніку ў Беларусь першую партыю расійскай вакцыны ад каранавіруса "Спадарожнік V" для клінічных даследаванняў, гаворыцца ў паведамленні фонду.

"1 кастрычніка ў Рэспубліцы Беларусь пачнецца вакцынаванне добраахвотнікаў у рамках правядзення ў краіне двайнога сляпога рандамізаванага плацэба-кантралюемага даследавання вакцыны "Спадарожнік V". РФПІ фінансуе гэта клінічнае даследаванне ў Рэспубліцы Беларусь з удзелам 100 чалавек, якія атрымаюць магчымасць вакцынавацца ад каранавіруса прэпаратам, распрацаваным у Нацыянальным даследчым цэнтры эпідэміялогіі і мікрабіялогіі імя М.Ф.Гамалеі Міністэрства аховы здароўя Расіі", - пазначана ў паведамленні.

У прэс-службе беларускага Міністэрства аховы здароўя дадалі, што спецыялісты міністэрства выдалі дазвол на правядзенне мультыцэнтравага клінічнага выпрабавання вакцыны. Таксама паведамляецца, што "экспертная група адобрыла пратакол даследавання нумар 04-Гам-КОВІД-Вак-2020-РБ". На сённяшні дзень у клінічных цэнтрах правядзення гэтага выпрабавання заняты арганізацыйнымі работамі і скрынінгам добраахвотнікаў.

Беларусь стала першай краінай, у якой стартуюць клінічныя даследаванні вакцыны "Спадарожнік V" пасля яе рэгістрацыі ў Расіі. "Клінічныя даследаванні пройдуць у васьмі медыцынскіх установах Беларусі, выбраных у якасці даследчых цэнтраў. Дзве беларускія клінікі ўжо атрымалі першыя партыі вакцыны "Спадарожнік V", - удакладняе РФПІ.

Аналагічныя клінічныя выпрабаванні вакцыны "Спадарожнік V" плануюцца ў іншых краінах, уключаючы Бразілію, Індыю, Саудаўскую Аравію, Егіпет і ААЭ. Паводле даных фонду, заяўкі на вакцыну "Спадарожнік V" паступілі ад больш як 50 краін СНД, Еўропы, Азіі, Блізкага Усходу і Лацінскай Амерыкі. Раней РФПІ аб'яўляў аб дасягнутых дамоўленасцях з партнёрамі ў Мексіцы па пастаўцы 32 млн доз, у Бразілію - да 50 млн доз, а таксама Індыю - 100 млн доз, Узбекістан - да 35 млн доз.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі